ലീഡ്‌സ്: പാകിസ്ഥാനെതിരായ വനിതാ ട്വന്റി20 പരമ്പര ആതിഥേയരായ ഇംഗ്ലണ്ട് സ്വന്തമാക്കി. അഞ്ച് മത്സര പരമ്പരയില്‍ തുടര്‍ച്ചയായ മൂന്നാം മത്സരവും ജയിച്ചാണ് ഇംഗ്ലണ്ട് പരമ്പര ഉറപ്പിച്ചത്. ഇന്നലെ നടന്ന മൂന്നാം മത്സരത്തില്‍ 34 റണ്‍സിനാണ് ആതിഥേയര്‍ വിജയിച്ചത്. ഇതോടെ പരമ്പരയില്‍ ഇംഗ്ലണ്ട് 3-0ന് മുന്നിലെത്തി.
ആദ്യ രണ്ട് മത്സരത്തിലും ഇംഗ്ലണ്ട് ആദ്യം ബാറ്റ് ചെയ്ത് ജയിക്കുകയായിരുന്നു. ആദ്യ മത്സരത്തില്‍ 53 റണ്‍സിനും രണ്ടാം മത്സരത്തില്‍ 65 റണ്‍സിനുമാണഅ ഇംഗ്ലണ്ട് പാകിസ്ഥാനെ തോല്‍പ്പിച്ചത്.
ഇന്നലെ നടന്ന മത്സരത്തില്‍ ഓപ്പണര്‍ ഡാനിയേലി വയാറ്റ് കളിയിലെ താരമായി. ആദ്യം ബാറ്റ് ചെയ്ത ഇംഗ്ലണ്ടിനായി അര്‍ദ്ധ സെഞ്ചുറി പ്രകടനത്തോടെ(87)യുള്ള വയാറ്റിന്റെ നിര്‍ണായക ബാറ്റിങ് ടീമിന് മികച്ചടോട്ടല്‍ സമ്മാനിച്ചു. 20 ഓവറില്‍ ഇംഗ്ലണ്ട് 176 റണ്‍സെടുത്ത് ഓളൗട്ടാകുകയായിരുന്നു.
ഇതിനെതിരെ ബാറ്റ് ചെയ്യാനിറങ്ങിയ പാകിസ്ഥാന് 20 ഓവറില്‍ 142 റണ്‍സെടുക്കാനേ സാധിച്ചുള്ളൂ. നാല് വിക്കറ്റ് മാത്രമാണ് സന്ദര്‍ശകര്‍ക്ക് നഷ്ടമയാത്. മികച്ച കൂട്ടുകെട്ടുണ്ടാക്കി പൊരുതിയെങ്കിലും റണ്‍നിരക്കുയര്‍ത്താന്‍ പാക് താരങ്ങള്‍ക്ക് സാധിച്ചില്ല.
പ്രതികരിക്കാൻ ഇവിടെ എഴുതുക: