കൊച്ചി: ബിലീവേഴ്‌സ് ഈസ്റ്റേണ്‍ ചര്‍ച്ച് മെത്രാപ്പൊലീത്ത അന്തരിച്ച അത്തനേഷ്യസ് യോഹാന്റെ മൃതദേഹവും വഹിച്ചുളള വിലാപയാത്ര പുരോഗമിക്കുന്നു.
അമേരിക്കയില്‍ നിന്ന് ഞായറാഴ്ച പുലര്‍ച്ചെ മൂന്നരയോടെ എത്തിച്ച മൃതദേഹം നെടുമ്പാശേരി വിമാനത്താവളത്തില്‍ വൈദികര്‍ ചേര്‍ന്ന് ഏറ്റുവാങ്ങി. പ്രത്യേക പ്രാര്‍ത്ഥനകള്‍ക്ക് ശേഷമാണ് തിരുവല്ലയിലേക്ക് വിലാപയാത്ര തുടങ്ങിയത്.
ആലപ്പുഴ വഴിയുള്ള യാത്രയില്‍ അമ്പലപ്പുഴയിലും യോഹാന്‍ മെത്രാപൊലീത്തയുടെ ജന്‍മദേശമായ നിരണത്തും അന്തിമോപചാരമര്‍പ്പിക്കാന്‍ അവസരമൊരുക്കി. രാത്രിയോടെ ബിലീവേഴ്‌സ് ചര്‍ച്ച് ആസ്ഥാനത്ത് മൃതദേഹം എത്തിക്കും.
തിങ്കഴാഴ്ച രാവിലെ 9 മണി മുതല്‍ മറ്റന്നാള്‍ രാവിലെ വരെ ബിലീവേഴ്‌സ് കണ്‍വെന്‍ഷന്‍ സെന്ററിലാണ് പൊതുദര്‍ശനം.തുടര്‍ന്ന് 11 മണിയോടെ സംസ്‌കാര ചടങ്ങുകള്‍ തുടങ്ങും. ഉച്ചയ്‌ക്ക് ഒരു മണിക്കാണ് സംസ്‌കാരം.
പ്രതികരിക്കാൻ ഇവിടെ എഴുതുക: