ഗുരുഗ്രാം: ഹരിയാനയിലെ നൂഹ് ജില്ലയിൽ ശനിയാഴ്ച പുലർച്ചെ ടൗരുവിന് സമീപം ഓടിക്കൊണ്ടിരിക്കുന്ന ബസിന് തീപിടിച്ച് എട്ട് പേർ ജീവനോടെ വെന്തുമരിക്കുകയും 20 ലധികം പേർക്ക് പരിക്കേൽക്കുകയും ചെയ്തു.
കുണ്ഡ്ലി-മനേസർ-പൽവാൽ എക്‌സ്പ്രസ് വേയിൽ പുലർച്ചെ രണ്ട് മണിയോടെയാണ് സംഭവം. ബസിൽ 60 ഓളം പേരുണ്ടായിരുന്നു, ഇവരെല്ലാം പഞ്ചാബ്, ചണ്ഡീഗഡ് നിവാസികളും മഥുര-വൃന്ദാവനിൽ നിന്ന് മടങ്ങുന്നവരുമാണെന്ന് പോലീസ് പറഞ്ഞു.
തീപിടിത്തം ശ്രദ്ധയിൽപ്പെട്ട നാട്ടുകാർ ബസിനെ പിന്തുടരുകയും ഡ്രൈവറോട് നിർത്താൻ ആവശ്യപ്പെടുകയും ചെയ്തു. തുടർന്ന് അവർ പോലീസിനെയും ഫയർഫോഴ്‌സിനെയും വിവരമറിയിക്കുകയും ചെയ്തു. ഫയർഫോഴ്സ് എത്തിയാണ് തീയണച്ചത്.
ഗുരുതരമായി പൊള്ളലേറ്റവരെ സമീപത്തെ ആശുപത്രികളിൽ പ്രവേശിപ്പിച്ചു. മരണസംഖ്യ ഇനിയും ഉയരാൻ സാധ്യതയുണ്ടെന്ന് അധികൃതർ പറഞ്ഞു.
പ്രതികരിക്കാൻ ഇവിടെ എഴുതുക