പാട്ന: ബിഹാറിലെ സീതാമണ്ഡിയില് സീതാക്ഷേത്രം നിര്മിക്കുമെന്ന് കേന്ദ്ര ആഭ്യന്തരമന്ത്രി അമിത് ഷാ. സീതാമണ്ഡിയില് തെരഞ്ഞെടുപ്പ് റാലിയില് സംസാരിക്കുകയായിരുന്നു അദ്ദേഹം. ബിജെപി വോട്ട് ബാങ്കിനെ ഭയപ്പെടുന്നില്ലെന്നും അമിത് ഷാ പറഞ്ഞു.
പ്രധാനമന്ത്രി നരേന്ദ്രമോദി അയോധ്യയില് രാം ലല്ലയുടെ ക്ഷേത്രം നിര്മിച്ചു. സീതാദേവിയുടെ ജന്മസ്ഥലത്ത് മഹത്തായൊരു സ്മാരകം നിര്മിക്കുകയെന്നതാണ് ഇനി അവശേഷിക്കുന്നത്. രാമക്ഷേത്രത്തില്നിന്ന് സ്വയം അകന്നുനിന്നവര്ക്ക് അതിന് കഴിയുകയില്ല. സീതയ്ക്കായി ഒരു ക്ഷേത്രം ആര്ക്കെങ്കിലും നിര്മിക്കാന് കഴിയുമെങ്കില് അത് മോദിക്കും ബിജെപിക്കും മാത്രമായിരിക്കും, ഷാ പറഞ്ഞു.
ആര്ജെഡി നേതാവ് ലാലു പ്രസാദ് യാദവിനെതിരേ അമിത് ഷാ അതിരൂക്ഷ വിമര്ശനം ഉന്നയിക്കുകയും ചെയ്തു. അധികാര രാഷ്ട്രീയത്തിനും തന്റെ മകനെ മുഖ്യമന്ത്രിയാക്കാനും
വേണ്ടി ലാലു കോണ്ഗ്രസിനൊപ്പം ചേര്ന്നുവെന്ന് അദ്ദേഹം പറഞ്ഞു. ബിഹാറിന് വേണ്ടത് ‘വികാസ് രാജ്’ ആണെന്നും ‘ജംഗിള്രാജ്’ അല്ലെന്നും ഷാ കൂട്ടിചേര്ത്തു.
സീതാമണ്ഡിക്കു സമീപത്തുനിന്നാണ് ജനക രാജാവിന് സീതയെ ലഭിച്ചെന്ന് കരുതപ്പെടുന്നത്. തിരഞ്ഞെടുപ്പിന്റെ അഞ്ചാം ഘട്ടമായ ഈ മാസം 20നാണ് സിതാമണ്ഡിയില്
പോളിങ്.
