മുംബയ് : ഇന്ത്യന് പ്രീമിയര് ലീഗില് നിന്ന് ഇംഗ്ലീഷ് താരങ്ങള് മടങ്ങുന്നു. രാജസ്ഥാന് റോയല്സ് ഓപ്പണര് ജോസ് ബട്ലര് ഇംഗ്ലണ്ടിലേക്ക് മടങ്ങുക ആണെന്ന് ക്ലബ് അറിയിച്ചു. സീസണ് അവസാന ഘട്ടത്തില് ഇംഗ്ലീഷ് താരങ്ങള് ഉണ്ടാകില്ല എന്ന് നേരത്തെ ഉറപ്പായതാണ്.
ഈ മാസം 22 മുതല് ഇംഗ്ലണ്ട് -പാകിസ്ഥാന് പരമ്പര ഉളളതാണ് ബട്ലര് മടങ്ങാന് കാരണം. പ്ലേ ഓഫ് ഉറപ്പിക്കാത്ത രാജസ്ഥാന് ബട്ലറിന്റെ മടക്കം തിരിച്ചടിയാണ്.ഇംഗ്ലണ്ട് ടി20 ടീം ക്യാപ്റ്റന് ആണ് ബട്ലര്.
ഈ സീസണില് രാജസ്ഥാനായി 11 കളികളില് നിന്ന് 39.88 ശരാശരിയില് 359 റണ്സ് നേടിയിട്ടുണ്ട് ബട്ലര്. രണ്ട് സെഞ്ച്വറികളും നേടി. ബട്ലറിന്റെ അഭാവത്തില് രാജസ്ഥാനായി ആര് ഓപ്പണ് ചെയ്യും എന്നതാണ് ആരാധകര് ഉറ്റുനോക്കുന്നത്.
