ബംഗളൂരു: അശ്ലീല ദൃശ്യ വിവാദത്തെ തുടര്‍ന്ന് പരാതിക്കാരിയെ തട്ടിക്കൊണ്ടുപോയി തടവില്‍ പാര്‍പ്പിച്ചെന്ന കേസില്‍ ജെ ഡി എസ് നേതാവ് എച്ച് ഡി രേവണ്ണയ്ക്ക് കോടതി സോപാധിക ജാമ്യം അനുവദിച്ചു.ജനപ്രതിനിധികളുടെ കേസ് പരിഗണിക്കുന്ന ബംഗളൂരുവിലെ പ്രത്യേക കോടതിയാണ് ജാമ്യം അനുവദിച്ചത്.
രേവണ്ണയ്‌ക്കെതിരെ പരാതി നല്‍കിയ സ്ത്രീ കഴിഞ്ഞ ദിവസം മൊഴി മാറ്റിയിരുന്നു. ഇതോടെയാണ് ആറ് ദിവസമായി ജയിലിലായിരുന്ന രേവണ്ണ കേസില്‍ നിന്ന് പുറത്തുവന്നത്.
രേവണ്ണയുടെ മകന്‍ പ്രജ്ജ്വല്‍ രേവണ്ണക്കെതിരെ പീഡന പരാതി നല്‍കിയ സ്ത്രീയുടെ മകനാണ് മാതാവിനെ എച്ച്ഡി രേവണ്ണ തട്ടിക്കൊണ്ടുപോയെന്ന് പരാതി നല്‍കിയത്. എന്നാല്‍ തന്നെയാരും തട്ടിക്കൊണ്ടുപോയിട്ടില്ലെന്ന് സ്ത്രീ തന്നെ വെളിപ്പെടുത്തി.
രേവണ്ണയ്ക്ക് എതിരെയും ബലാത്സംഗ ആരോപണം നിലനില്‍ക്കുന്നുണ്ട്. എന്നാല്‍ ഇത് സംബന്ധിച്ച കേസുകളില്‍ ഇതുവരെ ഇദ്ദേഹത്തെ അറസ്റ്റ് ചെയ്തിട്ടില്ല.
പ്രതികരിക്കാൻ ഇവിടെ എഴുതുക: