ചെന്നൈ: വീണ്ടും തമിഴ്നാട്ടിലെ പടക്ക നിര്മാണ ശാലയില് സ്ഫോടനം. വിരുദുനഗര് ജില്ലയില് ശിവകാശിക്ക് സമീപത്തായി നാരായണപുരം പുതൂരിലാണ് സ്ഫോടനമുണ്ടായത്. ആര്ക്കും പരിക്കേറ്റതായി വിവരമില്ല.
ഇന്നലെ രാവിലെയായിരുന്നു സംഭവം. ഫയര്ഫോഴ്സും സംഘവും ഉടന് സ്ഥലത്തെത്തി രക്ഷാ പ്രവര്ത്തനം നടത്തിയതിനാല് വലിയ അപകടം ഒഴിവായി. സ്ഫോടനത്തിന്റെ കാരണം വ്യക്തമല്ല. പോലീസ് അന്വേഷണം ആരംഭിച്ചു.
കഴിഞ്ഞദിവസം ശിവകാശിയിലെ പടക്കനിര്മാണ ശാലയിലുണ്ടായ സ്ഫോടനത്തില് അഞ്ച് സ്ത്രീകള് ഉള്പ്പെടെ എട്ട് പേര് മരിച്ചു. 12 പേര്ക്ക് പരിക്കേല്ക്കുകയും ചെയ്തിരുന്നു. ഇതുസംബന്ധിച്ച് അന്വേഷണം നടന്നുവരികയാണ്.
