ലണ്ടന്: പ്രശസ്ത ബ്രിട്ടീഷ് നടന് ഇയാന് ഗെല്ഡര് (74) അന്തരിച്ചു. അര്ബുദ ബാധയെത്തുടര്ന്നാണ് അന്ത്യം. ജീവിതപങ്കാളിയും സഹതാരവുമായ ബെന് ഡാനിയല്സ് ഇന്സ്റ്റാഗ്രാമിലൂടെയാണ് മരണവാര്ത്ത അറിയിച്ചത്.
കഴിഞ്ഞദിവസം പ്രാദേശിക സമയം ഉച്ചക്ക് ഒന്നരയോടെയായിരുന്നു അന്ത്യം. ഗെയിം ഓഫ് ത്രോണ്സ് എന്ന വെബ് സീരീസിലെ കെവാന് ലാനിസ്റ്റര് എന്ന വേഷം അവിസ്മരണീയമാക്കിയ നടനായിരുന്നു ഗെല്ഡര്.
കഴിഞ്ഞ ഡിസംബര് മുതല് ഗെല്ഡര് അര്ബുദത്തോട് പോരാടുകയായിരുന്നുവെന്നാണ് റിപ്പോര്ട്ട്. ഈ വര്ഷമാദ്യം ബിബിസി വണ്ണിന്റെ പീരിയോഡിക്കല് ഡിറ്റക്ടീവ് സീരീസായ ഫാദര് ബ്രൗണില് ഗെല്ഡര് വേഷമിട്ടിരുന്നു.
ടോര്ച്ച് വുഡ്, ഹിസ് ഡാര്ക്ക് മെറ്റീരിയല്സ്, ഡോക്ടര് ഹു, സ്നാച്ച്, ദ ബില് തുടങ്ങിയ പരമ്പരകളില് ശ്രദ്ധേയമായ വേഷം അവതരിപ്പിച്ചു. സഹപ്രവര്ത്തകരുള്പ്പെടെ നിരവധി പേര് ഗെല്ഡറിന് ആദരാഞ്ജലികളര്പ്പിച്ചു.
