അമൃത്സര്: പഞ്ചാബിലെ അമൃത്സറില് നിന്ന് ബിഎസ്എഫ് ചൈനീസ് നിര്മിത ഡ്രോണ് പിടികൂടി. ഹര്ദോ രത്തന് ഗ്രാമത്തിലെ ഒരു വീടിന് മുന്നില് നിന്ന് തിങ്കളാഴ്ചയാണ് ഡ്രോണ് കണ്ടെത്തിയത്.
പ്രദേശത്ത് ഡ്രോണ് സാന്നിധ്യമുണ്ടെന്ന് വിവരം ലഭിച്ചിരുന്നു. തുടര്ന്ന് നടത്തിയ തെരച്ചിലിലാണ് ഡ്രോണ് കണ്ടെത്തിയത്. ഡിജെഐ മാവിക് 3 ക്ലാസിക് വിഭാഗത്തില്പ്പെട്ട ഡ്രോണാണിത്. ഞായറാഴ്ച അമൃത്സറിലെ രത്തന് ഖുര്ദ് ഗ്രാമത്തിന് സമീപത്തുനിന്നും ഡ്രോണ് കണ്ടെടുത്തിരുന്നു. സംഭവത്തില് ബിഎസ്എഫ് അന്വേഷണം ആരംഭിച്ചിട്ടുണ്ട്.
