കോഴിക്കോട്: കുതിരവട്ടം മാനസികാരോഗ്യ കേന്ദ്രത്തിലെ അന്തേവാസിയെ പീഡിപ്പിക്കാന്‍ ശ്രമം. കാസര്‍കോട് സ്വദേശിനി 18കാരിക്കെതിരെയായിരുന്നു അതിക്രമം. രണ്ട് ദിവസം മുമ്പായിരുന്നു പീഡനശ്രമം നടന്നത്.
മാനസികാരോഗ്യകേന്ദ്രത്തില്‍ പ്ലംബിംഗ് ജോലിക്കെത്തിയ ആളാണ് പെണ്‍കുട്ടിയെ പീഡിപ്പിക്കാന്‍ ശ്രമിച്ചത്. പെണ്‍കുട്ടി, ബഹളം വച്ചതോടെ സംഭവം പുറത്തറിഞ്ഞു.
പെണ്‍കുട്ടിയുടെ പരാതിപ്രകാരം നന്ദു എന്നയാള്‍ക്കെതിരെ മെഡിക്കല്‍ കോളേജ് പൊലീസ് ലൈംഗികാതിക്രമത്തിന് കേസെടുത്തു. പെണ്‍കുട്ടിയുടെ വിശദമായ മൊഴി വീണ്ടും രേഖപ്പെടുത്തിയ ശേഷം തുടര്‍ നടപടികളിലേക്ക് കടക്കുമെന്ന് പൊലീസ് അറിയിച്ചു.
പ്രതികരിക്കാൻ ഇവിടെ എഴുതുക: