വയനാട് : സുഗന്ധഗിരി വനംകൊള്ളയില്‍ ഡിഎഫ്ഒ സജ്നയെ സ്ഥലം മാറ്റി ഉത്തരവിറങ്ങി. കാസര്‍ഗോഡ് സോഷ്യല്‍ ഫോറസ്ട്രി എസിഎഫ് ആയാണ് സ്ഥലം മാറ്റം.
ഡിഎഫ്ഒയ്‌ക്ക് ഗുരുതര വീഴ്ചയുണ്ടായി എന്ന് ഉത്തരവിലുണ്ട്. അനധികൃത മരം മുറി കണ്ടെത്താന്‍ കഴിഞ്ഞില്ല. തടി കടത്തിക്കൊണ്ട് പോകാന്‍ സാഹചര്യം ഉണ്ടായി എന്നും ഉത്തരവില്‍ പറയുന്നുണ്ട്.
നേരത്തെ സജ്നയെ സസ്‌പെന്‍ഡ് ചെയ്‌തെങ്കിലും ഉടന്‍ തന്നെ മരവിപ്പിച്ചിരുന്നു.അതിലെ തുടര്‍ നടപടി ആണ് സ്ഥലം മാറ്റം.
നടപടിക്രമങ്ങളിലെ പാളിച്ചയെ തുടര്‍ന്നാണ് സസ്പെന്‍ഷന്‍ മരവിപ്പിച്ചതെന്ന് വനംമന്ത്രി എ കെ ശശീന്ദ്രന്‍ വ്യക്തമാക്കിയിരുന്നു. അന്വേഷണ റിപ്പോര്‍ട്ടില്‍ ഡിഎഫ്ഒയോട് വിശദീകരണം തേടണമെന്ന് ശുപാര്‍ശയുണ്ടായിരുന്നു. എന്നാല്‍ വിശദീകരണം തേടാതെയാണ് ഉദ്യോഗസ്ഥരെ സസ്‌പെന്‍ഡ് ചെയ്തത്.
