വേറെ വഴിയില്ല; വൈദ്യുതി ഉപഭോഗം നിയന്ത്രിക്കാൻ ലോഡ് ഷെഡ്ഡിംഗ് ആവശ്യമെന്ന് കെഎസ്ഇബി

തിരുവനന്തപുരം: സംസ്ഥാനത്ത് ലോഡ് ഷെഡ്ഡിംഗ് ആവശ്യമെന്ന് കെഎസ്ഇബി. ഉപഭോഗം നിയന്ത്രിക്കുന്നതിനായി ലോഡ് ഷെഡ്ഡിംഗ് ഏർപ്പെടുത്താതെ മറ്റ് മാർഗ്ഗങ്ങളില്ലെന്ന് കെഎസ്ഇബി അറിയിച്ചു. സർക്കാരിന് ഇത് സംബന്ധിച്ച് വീണ്ടും ശിപാർശ നൽകാനാണ് തീരുമാനം. രണ്ട് ദിവസത്തെ ഉപഭോഗം വിലയിരുത്തിയ ശേഷമാകും അന്തിമ തീരുമാനം.

വൈദ്യുതി ഉപഭോഗം കൂടിയ പ്രദേശങ്ങളിൽ കെഎസ്ഇബി മേഖല തിരിച്ചുള്ള വൈദ്യുതി നിയന്ത്രണം ആരംഭിച്ചിരുന്നു. ചീഫ് എഞ്ചിനീയർമാരാണ് നിയന്ത്രണം സംബന്ധിച്ച ചാർട്ട് തയ്യാറാക്കി ഉത്തരവിറക്കുന്നത്. വൈകിട്ട് ഏഴ് മുതൽ പുലർച്ചെ 1 മണി വരെയുള്ള സമയത്താണ് ഇടവിട്ട് നിയന്ത്രണം ഏർപ്പെടുത്തുക. പീക്ക് ആവശ്യകത കൂടിയ സ്ഥലങ്ങളിലാണ് നിയന്ത്രണമുണ്ടാകുക.