കണ്ണൂര്‍: എല്‍ഡിഎഫ് കണ്‍വീനര്‍ ഇ.പി. ജയരാജനെ തൊട്ടാല്‍ അഴിമതിയുടെ കൊട്ടാരം മൊത്തം കത്തുമെന്ന് കെപിസിസി അധ്യക്ഷന്‍ കെ. സുധാകരന്‍. അതുകൊണ്ടാണ് ഇ.പി. ജയരാജന് എതിരെ നടപടി ഇല്ലാത്തതെന്ന് സുധാകരന്‍ പറഞ്ഞു. കണ്ണൂര്‍ റെയില്‍വെ സ്റ്റേഷനില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.
അഴിമതിയുടെ കൊട്ടാരം മുഴുവന്‍ കാത്തുസൂക്ഷിക്കുന്ന പ്രധാനപ്പെട്ടയാളാണ് ജയരാജന്. അയാള്‍ക്കെതിരെ ഒരു നടപടിയും ഉണ്ടാകില്ലെന്ന് ആദ്യമേ അറിയാമായിരുന്നു. ജയരാജനെ നോവിക്കുന്ന ഒന്നും സിപിഎം നേതൃത്വം ചെയ്യില്ല. സെഞ്ച്വറി അടിച്ച ക്രിക്കറ്റ് പ്ലയര്‍ പോകുന്നതു പോലെയാണ് ഇപി സെക്രട്ടറിയേറ്റ് യോഗം കഴിഞ്ഞുപോയത്.
ഇപിയെ തൊട്ടാല്‍ പിണറായി വിജയന്‍ അടക്കം അകത്തു പോകേണ്ടിവരും. ജയരാജനോട് നിയമനടപടി സ്വീകരിക്കണമെന്ന പാര്‍ട്ടി ഓഫീസില്‍ നിന്നുള്ള ഉപദേശം കൊള്ളാം. കൊള്ളയടിച്ചിട്ട് എതിര് പറഞ്ഞവര്‍ക്കെതിരെ കേസ് കൊടുക്കണം എന്നാണ് സിപിഎം പറയുന്നതെന്നും കെ. സുധാകരന്‍ കണ്ണൂരില്‍ പറഞ്ഞു.
പ്രതികരിക്കാൻ ഇവിടെ എഴുതുക: