തിരുവനന്തപുരം : കെഎസ്ആര്‍ടിസി ബസ് ഡ്രൈവറുമായുണ്ടായ വാക്കേറ്റത്തിന് പിന്നാലെ തനിക്ക് നേരെ സൈബര്‍ ആക്രമണമെന്ന് പൊലീസില്‍ പരാതി നല്‍കി മേയര്‍ ആര്യ രാജേന്ദ്രന്‍. ഔദ്യോഗിക ഫേസ്ബുക്ക്, ഇന്‍സ്റ്റാഗ്രാം പേജുകളിലാണ് സൈബര്‍ ആക്രമണം നടക്കുന്നത്.
മേയറുടെ ഔദ്യോഗിക വാട്ട്‌സാപ് നമ്പറിലേക്ക് നിരവധി അശ്ലീല സന്ദേശങ്ങള്‍ എത്തിയെന്നും പരാതിയുണ്ട്. ഇതുസംബന്ധിച്ച് പൊലീസ് മേധാവിക്കും മ്യൂസിയും പൊലീസിനും നഗരസഭാ സെക്രട്ടറി പരാതി നല്‍കി.
സഹോദരനൊപ്പമുള്ള ചിത്രത്തിനും മറ്റ് ഫേസ്ബുക്ക് പോസ്റ്റുകള്‍ക്കും കീഴില്‍ അശ്ലീല കമന്റുകളാണ് നിറയുന്നതെന്ന് പരാതിയില്‍ ചൂണ്ടിക്കാട്ടുന്നു.ഡ്രൈവര്‍ അശ്ലീല ചേഷ്ട കാട്ടിയെന്ന മേയറുടെ പരാതിയില്‍ പൊലീസ് കേസെടുത്തെങ്കിലും ബസ് തടഞ്ഞിട്ടെന്ന ഡ്രൈവറുടെ പരാതിയില്‍ കേസെടുക്കാന്‍ പൊലീസ് കൂട്ടാക്കിയില്ല.
പ്രതികരിക്കാൻ ഇവിടെ എഴുതുക: