ചെന്നൈ: ചെന്നൈ ആവഡിയിലെ മുത്താപ്പുതുപ്പെട്ടില് കോട്ടയം എരുമേലി സ്വദേശികളായ ദമ്പതികളെ വെട്ടിക്കൊലപ്പെടുത്തി വന് കവര്ച്ച. ഇവരുടെ വീട്ടില് നിന്ന് നൂറുപവന് സ്വര്ണം കവര്ന്നു. സിദ്ധ ഡോക്ടറായ ശിവന് നായര്, ഭാര്യ പ്രസന്നകുമാരി എന്നിവരാണ് കൊല്ലപ്പെട്ടത്.
പ്രതിയായ രാജസ്ഥാന് സ്വദേശി അറസ്റ്റിലായതായി പൊലീസ് അറിയിച്ചു.
സൈന്യത്തില് നിന്ന് വിരമിച്ച ശേഷം ശിവന് നായര് മുത്താപ്പുതുപ്പെട്ട് ഗാന്ധിനഗറില് വീടിനോട് ചേര്ന്ന് ഒരു ക്ലിനിക് നടത്തുകയായിരുന്നു. ഞായറാഴ്ച രാത്രിയില് രോഗികളെന്ന വ്യാജേന ഇവരുടെ വീട്ടില് പ്രവേശിച്ച ശേഷമാണ് മോഷ്ടാവ് ആക്രമണം നടത്തിയതെന്ന് പൊലീസ് അറിയിച്ചു.
മൃതദേഹങ്ങള് പോസ്റ്റുമോര്ട്ടത്തിനായി സര്ക്കാര് ആശുപത്രിയിലേക്കു മാറ്റി. പ്രസന്നകുമാരി കേന്ദ്രീയ വിദ്യാലയത്തില് നിന്ന് വിരമിച്ച അധ്യാപികയാണ്.
