സുക്മയിൽ സുരക്ഷാ ഉദ്യോഗസ്ഥരുമായിട്ടുള്ള ഏറ്റുമുട്ടലിൽ നക്സലൈറ്റ് കൊല്ലപ്പെട്ടു ; നക്സലുകൾക്കെതിരെ ശക്തമായ ആക്രമണം നടത്തി കേന്ദ്രസേന

റായ്പൂർ: ഛത്തീസ്ഗഡിലെ സുക്മ ജില്ലയിൽ സുരക്ഷാ ഉദ്യോഗസ്ഥരുമായിട്ടുണ്ടായ ഏറ്റുമുട്ടലിൽ ഒരു നക്സലൈറ്റ് കൊല്ലപ്പെട്ടു. തിങ്കളാഴ്ച രാവിലെ പോലീസ് ഇക്കാര്യം സ്ഥിരീകരിച്ചു.

കിസ്റ്ററാം പോലീസ് സ്റ്റേഷൻ ഏരിയയുടെ കീഴിലുള്ള ഒരു വനത്തിലാണ് വെടിവയ്‌പ്പ് നടന്നതെന്ന് പോലീസ് സൂപ്രണ്ട് കിരൺ .ജി ചവാൻ പറഞ്ഞു. സംസ്ഥാന തലസ്ഥാനമായ റായ്പൂരിൽ നിന്ന് 450 കിലോമീറ്റർ അകലെയുള്ള കാട്ടിലെ നാക്സലൈറ്റുകൾ ഡിആർജി സംഘവുമാണ് ഏറ്റുമുട്ടിയത്.

വെടിവയ്‌പ്പ് അവസാനിച്ചതിനുശേഷം, ഒരു നക്സലൈറ്റിന്റെ മൃതദേഹം സംഭവസ്ഥലത്ത് നിന്ന് കണ്ടെടുത്തുവെന്ന് എസ്പി പറഞ്ഞു. ആയുധത്തിന്റെയും ചില ഭാഗങ്ങളും കണ്ടെടുത്തു. സുക്മ ഉൾപ്പെടെ ഏഴ് ജില്ലകൾ ഉൾപ്പെടുന്ന ബസ്തർ മേഖലയിലെ ഏറ്റുമുട്ടലിൽ ഈ സംഭവത്തോടെ ഈ വർഷം ഇതുവരെ 81 നക്സലൈറ്റുകൾ കൊല്ലപ്പെട്ടു.

ഏപ്രിൽ 16 ന് ഈ മേഖലയിലെ കാങ്കർ ജില്ലയിലെ സുരക്ഷാ സേനയുമായി ഏറ്റുമുട്ടലിൽ നിരവധി നക്സലൈറ്റുകൾ കൊല്ലപ്പെട്ടിരുന്നു.