പുതിയ ഉല്‍പ്പന്നങ്ങള്‍ അവതരിപ്പിക്കുന്ന ആപ്പിള്‍ ഇവന്റിനായി പ്രതീക്ഷയോടെ ലോകം

ആപ്പിളിന്റെ പുതിയ ഉല്‍പ്പന്നങ്ങളുടെ അവതരണവും ഉറ്റുനോക്കി ലോകം. ‘ലെറ്റ് ലൂസ്’ എന്ന ടാഗ് ലൈനോടുകൂടിയ ഇവന്റ് മെയ് 7 ന് ഇന്ത്യന്‍ സമയം വൈകിട്ട് 7.30ന് ആപ്പിളിന്റെ വെബ്സൈറ്റില്‍ തത്സമയം സംപ്രേക്ഷണം ചെയ്യും. 2023-ല്‍ പുതിയ മോഡലുകളൊന്നും പ്രഖ്യാപിച്ചിട്ടില്ലാത്തതിനാല്‍ വന്‍ പ്രതീക്ഷയിലാണ് ലോകം. ഗ്രാഫിക് ഫീച്ചറുകളുള്ള അപ്‌ഗ്രേഡു ചെയ്ത ആപ്പിള്‍ പെന്‍സിലാണ് പ്രതീക്ഷിക്കുന്ന ഒന്ന്്. ഉയര്‍ന്ന നിലവാരമുള്ള ഐപാഡ് പ്രോയിലേക്കും വലിയ ഐപാഡ് എയറിലേക്കും അപ്ഗ്രേഡുകള്‍ പുറത്തിറക്കുമെന്ന് വിശകലന വിദഗ്ധര്‍ പറയുന്നു
ആപ്പിള്‍ അവസാനമായി ഒരു ലോഞ്ച് ഇവന്റ് നടത്തിയത് 2022 മാര്‍ച്ചിലാണ്, അന്നാണ്് ഐപാഡ് എയറിന്റെ ഏറ്റവും പുതിയ പതിപ്പ് ലോ എന്‍ഡ് ഐഫോണിനൊപ്പം പ്രഖ്യാപിച്ചത്.
ആപ്പിളിന്റെ ലോഞ്ച് ഇവന്റുകള്‍ തത്സമയം കാണുന്നതിന് ദശലക്ഷക്കണക്കിന് ആളുകളാണ് കാത്തിരിക്കുന്നത്. ജൂണില്‍ നടക്കുന്ന വേള്‍ഡ് വൈഡ് ഡെവലപ്പേഴ്സ് കോണ്‍ഫറന്‍സിലും ആപ്പിള്‍ കാര്യമായ ആര്‍ട്ടിഫിഷ്യല്‍ ഇന്റലിജന്‍സ് ഉപകരണങ്ങള്‍ പ്രഖ്യാപിക്കുമെന്നാണ് പ്രതീക്ഷ.