ബിഹാറിലെ ദർബംഗയിൽ വിവാഹ പന്തലിന് തീപിടിച്ച് 6 പേർ മരിച്ചു

ദർബംഗ: ബിഹാറിലെ ദർഭംഗ ജില്ലയിൽ കല്യാണ പന്തലിൽ ഉണ്ടായ വൻ തീപിടിത്തത്തിൽ ആറ് പേർ മരിച്ചു..ബഹേറ പോലീസ് സ്റ്റേഷൻ പരിധിയിലെ അലിനഗറിൽ വ്യാഴാഴ്ച രാത്രി 11.15 ഓടെയാണ് സംഭവം.

പടക്കം പൊട്ടിക്കുന്നതിനിടെയാണ് പന്തലിന് തീപിടിച്ചതെന്ന് ദൃക്‌സാക്ഷികൾ പറഞ്ഞു. അപകടത്തിൽപ്പെട്ടവരെ സമീപത്തെ ആശുപത്രിയിൽ പ്രവേശിപ്പിച്ചു. ഉന്നത തല അന്വേഷണത്തിന് പോലീസ് സൂപ്രണ്ട് നിർദ്ദേശം നൽകിയിട്ടുണ്ട്.