കൊടകരയിൽ ലോറി മറിഞ്ഞു; ഗതാഗത തടസ്സം

കൊടകര: ദേശീയപാതയിൽ കൊടകരയ്‌ക്കടുത്ത് കൊളത്തൂരിൽ ചരക്ക് ലോറി മറിഞ്ഞ് അപകടം. സംഭവത്തിന് പിന്നാലെ മൂന്ന് മണിക്കൂറോളമാണ് ഗതാഗത തടസ്സം അനുഭവപ്പെട്ടത്. ഇന്ന് പുലർച്ചെ അഞ്ച് മണിയോടെയായിരുന്നു സംഭവം.

തിരഞ്ഞെടുപ്പ് ഡ്യൂട്ടിക്ക് എത്തേണ്ട ഉദ്യോഗസ്ഥർ ഉൾപ്പെടെയുള്ള ദീർഘദൂര യാത്രക്കാർ ഇത് മൂലം പ്രതിസന്ധിയിലായി. ചോളത്തിന്റെ തണ്ടുകളായിരുന്നു ലോറിയിൽ ഉണ്ടായിരുന്നു. അപകടത്തിൽ ആർക്കും പരിക്കേറ്റിട്ടില്ലെന്നാണ് വിവരം