ന്യൂദൽഹി: വർദ്ധിച്ചുവരുന്ന മെക്കാനിക്ക്, ഗതാഗത ചെലവുകളുടെ ആഘാതം നികത്താൻ ജൂൺ മുതൽ ഇന്ത്യയിലെ മോഡൽ ശ്രേണിയുടെ വില 2 ശതമാനം വരെ വർദ്ധിപ്പിക്കുമെന്ന് ജർമ്മൻ വാഹന നിർമ്മാതാക്കളായ ഓഡി വ്യാഴാഴ്ച അറിയിച്ചു. വില വർദ്ധന ജൂൺ 01 മുതൽ പ്രാബല്യത്തിൽ വരുമെന്ന് വാഹന നിർമ്മാതാക്കൾ പ്രസ്താവനയിൽ പറഞ്ഞു.
മെക്കാനിക്കൽ ചെലവുകൾ വർദ്ധിക്കുന്നത് മൂലം വാഹനങ്ങളുടെ വില ജൂൺ 1 മുതൽ 2 ശതമാനം വരെ വർദ്ധിപ്പിക്കാൻ തങ്ങൾ തീരുമാനിച്ചിരിക്കുന്നതായി ഓഡി ഇന്ത്യാ മേധാവി ബൽബീർ സിംഗ് ധില്ലൺ പറഞ്ഞു.
ഓഡി ഇന്ത്യയ്‌ക്കും തങ്ങളുടെ ഡീലർ പങ്കാളികൾക്കും സുസ്ഥിരമായ വളർച്ച ഉറപ്പാക്കാനാണ് വില തിരുത്തൽ ലക്ഷ്യമിടുന്നത്. കൂടാതെ ഉപഭോക്താക്കൾക്ക് വില വർധനയുടെ ആഘാതം കഴിയുന്നത്ര കുറവാണെന്ന് തങ്ങൾ ഉറപ്പാക്കുമെന്നും അദ്ദേഹം പറഞ്ഞു.
42.77 ലക്ഷം മുതൽ 2.22 കോടി രൂപ വരെ വിലയുള്ള Q3 എസ്‌യുവി മുതൽ സ്‌പോർട്‌സ് കാർ RSQ8 വരെയുള്ള നിരവധി വാഹനങ്ങൾ ഓഡി ഇന്ത്യ വിൽക്കുന്നുണ്ട്.
പ്രതികരിക്കാൻ ഇവിടെ എഴുതുക: