തിരുവനന്തപുരം: കെഎസ്ആര്ടിസി ഫാസ്റ്റ് പാസഞ്ചറിലെ നിലവില് റിസര്വേഷന് സംവിധാനം ഏര്പ്പെടുത്തിയിട്ടുള്ള ബസുകളിലെ 8, 9, 10, 13, 14, 15 സീറ്റുകള് പുരുഷ യാത്രക്കാര്ക്ക് ബുക്കുചെയ്യാവുന്ന തരത്തിലായിരുന്നു നേരത്തേ ക്രമീകരിച്ചിരുന്നത്. ഇതു കാരണം ബസ്സില് നിന്നും ടിക്കറ്റ് എടുത്ത് യാത്ര ചെയ്യുന്ന വനിതാ യാത്രക്കാര്ക്ക് ബുദ്ധിമുട്ടുകള് ഉണ്ടാകുന്നതായി പരാതികള് ലഭിച്ചതിന്റെ അടിസ്ഥാനത്തില് ഫാസ്റ്റ് പാസഞ്ചര്ബസുകളില് ടിക്കറ്റ് ബുക്ക് ചെയ്ത് നല്കുമ്പോള് 3, 4, 5,8,9,10,13,14,15 എന്നീ സീറ്റുകള് സ്ത്രീ യാത്രക്കാര്ക്ക് മാത്രമായി ബുക്ക് ചെയ്തുനല്കുന്നതിനായി ഓണ്ലൈന് റിസര്വേഷനിലും കൗണ്ടര് ബുക്കിംഗിലും ക്രമീകരണങ്ങള് ഏര്പ്പെടുത്തിയിട്ടുണ്ട്.
കൂടാതെ അംഗപരിമിതര് മുതിര്ന്ന പൗരന്മാര്, അന്ധന് തുടങ്ങിയവര്ക്കായുള്ള 21, 22,26,27,31,47, 52 സീറ്റുകള് മറ്റുയാത്രക്കാര് ബുക്ക് ചെയ്യുന്നതുകാരണം ടി യാത്രക്കാര്ക്ക് ഉണ്ടാകുന്ന ബുദ്ധിമുട്ട് പരിഗണിച്ച് ഈ നമ്പറുകളിലെ സീറ്റുകളിലും ഓണ്ലൈന്, കൗണ്ടര് ബുക്കിംഗ് ഒഴിവാക്കിയിട്ടുണ്ട്…
