തൃശൂര്‍: വാഹനപ്രചാരണജാഥയുമായി കടന്നുപോകുന്ന സുരേഷ് ഗോപിയെ കാത്ത് റോഡരുകില്‍ കാത്ത് ഉമ്മയും മകളും കുഞ്ഞും. ഒരു യുട്യൂബ് വാര്‍ത്താ ചാനല്‍ പുറത്തുവിട്ട ഈ വീഡിയോ വൈറലായി പ്രചരിക്കുകയാണ്.
വാഹനപ്രചാരണത്തിന്റെ ഭാഗമായി കടന്നുപോകുമ്പോള്‍ റോഡില്‍ കാത്ത് നില്‍ക്കുന്നവര്‍ക്ക് കൈകാട്ടി മുന്നോട്ട് പോവുകയായിരുന്നു സുരേഷ് ഗോപി. അപ്പോഴാണ് ഒരു മുസ്ലിം കുടുംബം സുരേഷ് ഗോപിയെ കാത്ത് നില്‍ക്കുന്നത് ശ്രദ്ധയില്‍പ്പെടുന്നത്. ഒരു ഉമ്മ, മകള്‍, അവരുടെ കുട്ടി. സുരേഷ് ഗോപിയെ കണ്ടപ്പോള്‍ ഉമ്മ മുന്നിലേക്ക് വന്ന് കൈ കൊടുത്തു. അപ്പോഴേക്കും വാഹനം കടന്നുപോയിരുന്നു. ഉടനെ വാഹനം നിര്‍ത്താന്‍ പറഞ്ഞ് വീണ്ടും പിന്നിലേക്ക് പോയി ആ കുടുംബത്തെ സുരേഷ് ഗോപി കണ്ടു. ആ ഉമ്മയും മകളും കുഞ്ഞും കൈകൊടുത്തു. എല്ലാവര്‍ക്കും സന്തോഷം.
സുരേഷ് ഗോപിയ്‌ക്ക് വോട്ടു ചെയ്യുമോ എന്ന ചോദ്യത്തിന് സുരേഷ് ഗോപി സെലിബ്രിറ്റിയല്ലേ എന്നായിരുന്നു ഉമ്മയുടെ മകളുടെ ആദ്യപ്രതികരണം. പിന്നീട് ആള്‍ക്കാരെ സ്നേഹിക്കാന്‍ ഹൃദയമുള്ളവര്‍ ജയിക്കട്ടെ എന്നായിരുന്നു മകളുടെ പ്രതികരണം.
പ്രതികരിക്കാൻ ഇവിടെ എഴുതുക: