കൊല്ലം: നീണ്ടകരയില് ലഹരിമരുന്നുമായി യുവതി ഉള്പ്പെടെ മൂന്നുപേര് പിടിയില്. മുണ്ടയ്ക്കല്, ഉദയമാര്ത്താണ്ഡപുരം സ്വദേശി രാജീവന്, അരുണ്, ആദിനാട് കാട്ടില്കടവ് സ്വദേശി അശ്വതി എന്നിവരെയാണ് അറസ്റ്റ് ചെയ്തത്.
പൊലീസിന് കിട്ടിയ രഹസ്യ വിവരത്തിന്റെ അടിസ്ഥാനത്തിലായിരുന്നു ഇവരെ പിടികൂടിയത്. ശക്തികുളങ്ങര പൊലീസും ഡാന്സാഫ് ടീമും സംയുക്തമായി നീണ്ടകര പാലത്തിന് സമീപം നിലയുറപ്പിച്ചിരുന്നു.
രാജീവനും അരുണും സഞ്ചരിച്ച ബൈക്ക് എത്തിയപ്പോള് തടഞ്ഞ് നിര്ത്തി പരിശോധന നടത്തുകയായിരുന്നു. വില്പ്പനക്കായി കരുതിയിരുന്ന 30 ഗ്രാം എം.ഡി.എം.എ ഇവരില് നിന്ന് കണ്ടെടുത്തു.
740 ഗ്രാം എം.ഡി.എം.എയുമായി കരുനാഗപ്പള്ളി പൊലീസ് പിടിയിലായ അശ്വതിയേയും ഇവര്ക്ക് എം.ഡി.എം.എ വിതരണം ചെയ്തതിന് പൊലീസ് അറസ്റ്റ് ചെയ്യുകയായിരുന്നു.
