പത്തനംതിട്ട: പത്തനംതിട്ടയിലെ കള്ളവോട്ട് ആരോപണത്തില്‍ മൂന്ന് ഉദ്യോഗസ്ഥരെ സസ്പന്‍ഡ് ചെയ്തു. രണ്ട് പോളിംഗ് ഓഫീസര്‍മാരെയും ബിഎല്‍ഒയെയുമാണ് ജില്ലാ കളക്ടര്‍ സസ്‌പെന്‍ഡ് ചെയ്തത്.
ബിഎല്‍ഒ അമ്പിളി, പോളിംഗ് ഓഫീസര്‍മാരായ ദീപ, കല എസ് തോമസ് എന്നിവര്‍ക്കെതിരെയാണ് നടപടി.രേഖപ്പെടുത്തിയ വോട്ട് അസാധുവായി കണക്കാക്കുമെന്ന് കളക്ടര്‍ അറിയിച്ചു.
മരിച്ച സ്ത്രീയുടെ വോട്ട് മരുമകള്‍ രേഖപ്പെടുത്തിയെന്ന പരാതിയിലാണ് നടപടി.ആറന്മുളയില്‍ മരിച്ചയാളുടെ പേരില്‍ കള്ളവോട്ട് ചെയ്‌തെന്ന് എല്‍ഡിഎഫ് ആണ് പരാതിപ്പെട്ടത്. കാരിത്തോട്ട സ്വദേശി അന്നമ്മയുടെ പേരില്‍ മരുമകള്‍ അന്നമ്മ വോട്ട് ചെയ്തു എന്നാണ് പരാതി. ആറുവര്‍ഷം മുമ്പാണ് അന്നമ്മ മരിച്ചത്. കോണ്‍ഗ്രസിന്റെ വാര്‍ഡ് മെമ്പറുടെ അറിവോടെയാണ് കളളവോട്ട് നടന്നതെന്നാണ് പരാതി.
അതേസമയം, വീഴ്ച സംഭവിച്ചെന്ന് ബിഎല്‍ഒ സമ്മതിച്ചു
പ്രതികരിക്കാൻ ഇവിടെ എഴുതുക: