നടന്‍ സല്‍മാന്‍ ഖാന്റെ വീടിന് നേരെ വെടിയുതിര്‍ത്ത സംഭവത്തില്‍ രണ്ട് പേര്‍ അറസ്റ്റിലായതിന് പിന്നാലെ മഹാരാഷ്ട്ര മുഖ്യമന്ത്രി ഏകനാഥ് ഷിന്‍ഡെ ചൊവ്വാഴ്ച ബാന്ദ്രയിലെ നടന്‍ സല്‍മാന്‍ ഖാന്റെ വസതി സന്ദര്‍ശിച്ചു.
ഗ്യാലക്‌സി അപ്പാര്‍ട്ട്‌മെന്റിലെ വീട്ടില്‍ സല്‍മാന്‍ ഖാനെയും പിതാവ് സലിം ഖാനെയും ഷിന്‍ഡെ കാണുകയും കുടുംബത്തിന്റെ സുരക്ഷ ഉറപ്പാക്കുകയും ചെയ്തു.
സല്‍മാന്‍ ഖാനും കുടുംബത്തിനും നല്‍കുന്ന സുരക്ഷ സര്‍ക്കാര്‍ ശക്തമാക്കുമെന്നും മുംബൈ പോലീസ് കമ്മീഷണര്‍ക്ക് നിര്‍ദ്ദേശം നല്‍കിയിട്ടുണ്ടെന്നും ഷിന്‍ഡെ പറഞ്ഞു. സംസ്ഥാനത്ത് അധോലോക സംഘത്തിന്റെ പ്രവര്‍ത്തനങ്ങള്‍ വെച്ചു പൊറുപ്പിക്കില്ലെന്നും അദ്ദേഹം പറഞ്ഞു.
ഞായറാഴ്ച രാവിലെയാണ് ബാന്ദ്രയിലെ സല്‍മാന്‍ ഖാന്റെ വീടിന് പുറത്ത് വെടിവെപ്പുണ്ടായത്. സംഭവത്തില്‍ രണ്ട് പേരെ മുംബൈ പോലീസ് അറസ്റ്റ് ചെയ്ത് മണിക്കൂറുകള്‍ക്ക് ശേഷമാണ് ഷിന്‍ഡെ സല്‍മാന്‍ ഖാനെ കണ്ടത്. ഗുജറാത്തിലെ കച്ച് ജില്ലയിലെ ഒരു ഗ്രാമത്തില്‍ നിന്നാണ് പ്രതികളായ വിക്കി ഗുപ്ത (24), സാഗര്‍ പാല്‍ (21) എന്നിവരെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: