തിരുവനന്തപുരം: കഴക്കൂട്ടം മേനംകുളത്ത് വന്‍ കവര്‍ച്ച. വീട് കുത്തി തുറന്ന് 35 പവന്‍ സ്വര്‍ണം കവര്‍ന്നു. കഴക്കൂട്ടം വിളയില്‍കുളം ശ്യാമിന്റെ സൗപര്‍ണിക വീട്ടിലാണ് കവര്‍ച്ച നടന്നത്. ശ്യാം കുടുംബ സമേതം മൂകാംബികയില്‍ പോയിരിക്കുകയായിരുന്നു.
കഴിഞ്ഞ വെള്ളിയാഴ്ചയാണ് ഇവര്‍ യാത്ര പോയത്. ഇന്ന് ഉച്ചയ്‌ക്ക് മടങ്ങിയെത്തി വാതില്‍ തുറക്കാന്‍ പോയപ്പോഴാണ് വീടിന്റെ മുന്‍വാതില്‍ തകര്‍ത്ത നിലയില്‍ കണ്ടത്.
തുടര്‍ന്ന് അകത്തുകയറി പരിശോധിച്ചതോടെയാണ് അലമാരയിലുണ്ടായിരുന്ന 35 പവനോളം സ്വര്‍ണം നഷ്ടമായതായി കണ്ടെത്തിയത്. അലമാരയിലെ സാധനങ്ങളെല്ലാം വലിച്ചുവാരിയിട്ടനിലയിലായിരുന്നു. പരാതിയില്‍ പോലീസും ഫോറന്‍സ്‌ക് വിദഗ്ധരും അന്വേഷണം ആരംഭിച്ചു. 19 ലക്ഷത്തോളം രൂപ വിലമതിക്കുന്ന സ്വര്‍ണാഭരണങ്ങളാണ് വീട്ടില്‍ നിന്നും കവര്‍ന്നത്.
പ്രതികരിക്കാൻ ഇവിടെ എഴുതുക: