ടൊറന്റോ : കാനഡയില് ഇന്ത്യന് വിദ്യാര്ഥി വെടിയേറ്റ് മരിച്ചു. ഹരിയാന സ്വദേശി ചിരാഗ് അന്റില് (24) ആണ് കൊല്ലപ്പെട്ടത്. സൗത്ത് വാന്കൂവറിലാണ് സംഭവം.
വെടിയൊച്ച കേട്ടതായി പ്രദേശവാസികള് അറിയിച്ചതിനെ തുടര്ന്ന് പൊലീസ് നടത്തിയ അന്വേഷണത്തിലാണ് കാറിനുള്ളില് കൊല്ലപ്പെട്ട നിലയില് ചിരാഗിന്റെ മൃതദേഹം കണ്ടത്. ഏപ്രില് 12 നാണ് സംഭവം.
കൊലപാതകത്തില് ഇതുവരെ ആരെയും അറസ്റ്റ് ചെയ്തിട്ടില്ല. അന്വേഷണം തുടരുകയാണെന്ന് പൊലീസ് പറഞ്ഞു.ചിരാഗിന്റെ മൃതദേഹം നാട്ടിലെത്തിക്കാനായി കുടുംബം ക്രൗഡ് ഫണ്ടിങ് പ്ലാറ്റ്ഫോമായ ഗോ ഫണ്ട് മി വഴി ധനസമാഹരണത്തിന് ശ്രമിക്കുകയാണെന്നാണ് റിപ്പോര്ട്ട്.2022 സെപ്തംബറിലാണ് ചിരാഗ് വാന്കൂറിലെത്തുന്നത്. ഇവിടെ നിന്നും എംബിഎ പൂര്ത്തിയാക്കിയ ചിരാഗിന് അടുത്തിടെയാണ് വര്ക്ക് പെര്മിറ്റ് ലഭിച്ചത്.
