പൂച്ചാക്കല്: ഭാരതം മുഴുവന് ചര്ച്ച ചെയ്യുന്നത് മോദിയുടെ ഗ്യാരന്റിയാണെന്ന് ബിജെപി ദേശീയ നിര്വാഹക സമിതിയംഗം കുമ്മനം രാജശേഖരന് പറഞ്ഞു.
എന്ഡിഎ പാണാവള്ളി മണ്ഡലം കമ്മറ്റിയുടെ നേതൃത്വത്തില് പൂച്ചാക്കലില് എന്ഡിഎ സ്ഥാനാര്ത്ഥി ശോഭ സുരേന്ദ്രന് നല്കിയ ആവേശോജ്വലമായ സ്വീകരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജനങ്ങളുടെ വിശ്വാസം ആര്ജ്ജിക്കുവാനും ജനക്ഷേമ പരിപാടികള് ചിട്ടയോടെ നടത്തുവാനും നരേന്ദ്ര മോദി നയിക്കുന്ന എന്ഡിഎക്ക് സാധിച്ചുവെന്നതാണ് സത്യം.
സത്യവും ധര്മ്മവും നീതിയും അടിസ്ഥാനമാക്കി, മതേതര ഭാരതമാണ് നമ്മുടെ ലക്ഷ്യം. ഈ ലക്ഷ്യത്തിലേക്ക് എത്തുവാന് ആലപ്പുഴയിലെ സ്ഥാനാര്ത്ഥി ശോഭാ സുരേന്ദ്രനെ വമ്പിച്ച ഭൂരിപക്ഷത്തിന് വിജയിപ്പിക്കണം. ഇത് ജനാധിപത്യ വിശ്വാസികളുടെ ഉത്തരവാദിത്വമാണെന്ന് അദ്ദേഹം പറഞ്ഞു.
എന്ഡിഎ പാണാവള്ളി മണ്ഡലം കമ്മറ്റി ചെയര്മാന് തിരുനല്ലൂര് ബൈജു അദ്ധ്യക്ഷനായി. ബിഡിജെഎസ് മണ്ഡലം പ്രസിഡന്റ് പ്രിന്സ്മോന്, കര്ഷക മോര്ച്ച ജില്ല സെക്രട്ടറി പെരുമ്പളം ജയകുമാര്, ബിജെപിമണ്ഡലം ജനറല് സെക്രട്ടറി ഉണ്ണികൃഷ്ണന്, സംസ്ഥാന കൗണ്സില് അംഗം അഡ്വ ബി.ബാലാനന്ദ്, സംസ്ഥാന കമ്മറ്റി അംഗം അപര്ണ്ണാ സെബാസ്റ്റ്യന്,കെ.രാജേഷ്,മിഥുന്ലാല്, സൈജു അരവിന്ദ്, നിഷാനി സുരേഷ്, ശ്രീദേവി തുടങ്ങിയവര് സംസാരിച്ചു.
