എരുമേലി: വിഷുദര്ശനത്തിന് കര്ണ്ണാടകയിലെ ശിവമൊഗ്ഗയില് നിന്നും രണ്ട് ഭക്തര് എത്തിയത് കാല്നടയായി. ഇരുവരും നടന്നെത്തിയത് 25 ദിവസം കൊണ്ട്.
50 കാരന് സോമശേഖറും 48 കാരന് ലോകേഷുമാണ് എട്ടംഗസംഘത്തെ നയിക്കുന്നത്. ഈ സംഘം ശിവമൊഗ്ഗയില് നിന്നും യാത്ര ആരംഭിച്ചത് മാര്ച്ച് 15ന്. 25 ദിവസങ്ങള് നടന്നപ്പോള് എരുമേലിയില് എത്തി. യാത്രയ്ക്കിടയില് ക്ഷേത്രങ്ങളിലായിരുന്നു ഉറക്കം. ഭക്ഷണവും മിക്കവാറും ക്ഷേത്രങ്ങളില് നിന്നാണ് ഒപ്പിച്ചത്.
ഭക്ഷണവും വിവിധ ക്ഷേത്രങ്ങളില് നിന്നുമാണ് കഴിച്ചത്. ചൂടുകാലമായതിനാല് വൈകീട്ടും രാവിലെയുമാണ് നടക്കുക. ഉച്ചസമയങ്ങളില് സുദീര്ഘമായ വിശ്രമം. ചിലപ്പോള് മരത്തണലില്. മറ്റ് ചിലപ്പോള് ഏതെങ്കിലും ക്ഷേത്രവളപ്പില്. ഇതാദ്യമായാണ് വീട്ടില് നിന്നും കാല്നടയായി ശബരിമല ലാക്കാക്കി നടക്കുന്നത്. ഇതിന് മുന്പ് ശബരിമല ദര്ശനത്തിന് എത്തിയപ്പോഴെല്ലാം പലപ്പോഴും എരുമേലിയില് നിന്നും ശബരിമലയിലേക്ക് നടന്നിട്ടുണ്ട്.
