എറണാകുളം: നടിയെ ആക്രമിച്ച കേസിലെ മെമ്മറി കാര്ഡ് വനിതാ മജിസ്ട്രേട്ടും കോടതി ഉദ്യോഗസ്ഥരും അനധികൃതമായി പരിശോധിച്ച സംഭവത്തില് ജില്ലാ സെഷന്സ് ജഡ്ജിയുടെ വസ്തുതാന്വേഷണ റിപ്പോര്ട്ട് റദ്ദാക്കണമെന്നാവശ്യപ്പെട്ടുള്ള അതിജീവിതയുടെ ഹര്ജി നിലനില്ക്കുമോയെന്നതില് ഹൈക്കോടതി വിശദ വാദം കേള്ക്കും. കേസ് മെയ് 30ന് പരിഗണിക്കാന് മാറ്റി.
കോടതി നിര്ദേശപ്രകാരമുള്ള അന്വേഷണമല്ല നടന്നതെങ്കില് ഹൈക്കോടതിക്ക് സ്വമേധയാ ഇടപെടാമെന്ന് അതിജീവിത വാദിച്ചു. എന്നാല് ഇതിനെ എതിര്ത്ത് നടന് ദിലീപിന്റെ അഭിഭാഷകനും രംഗെ ത്തത്തി.ജുഡീഷ്യറിയെ താറടിക്കാനാണ് അതിജീവിതയുടെ ഈ നീക്കം. റിപ്പോര്ട്ടിലെ വിവരങ്ങള് പുറത്തായി.റിപ്പോര്ട്ട് നല്കിയത് അതിജീവിതയ്ക്ക് മാത്രമാണെന്നും വിവരങ്ങള് മാധ്യമങ്ങളില് വന്നുവെന്നും ദിലീപിന്റെ അഭിഭാഷകന് പറഞ്ഞു.. ജില്ലാ കോടതി ജഡ്ജി ശേഖരിച്ച മൊഴികളുടെ സര്ട്ടിഫൈഡ് കോപ്പി വേണമെന്ന അതിജീവിതയുടെ ആവശ്യം കോടതി അംഗീകരിച്ചു.
ജഡ്ജിയുടെ വസ്തുതാന്വേഷണ റിപ്പോര്ട്ട് സഹപ്രവര്ത്തകരെ സംരക്ഷിക്കാനുള്ളതാണെന്നും തെളിവ് കസ്റ്റഡിയിലെടുത്ത് ഫോറന്സിക് പരിശോധനയ്ക്ക് പോലും അയക്കാതെ മൊഴി അതേപടി വിശ്വസിച്ച് റിപ്പോര്ട്ട് തയാറാക്കി എന്നുമാണ് അതിജീവിത ആരോപിച്ചത്.
പരാതിക്കാരിയായ തന്നെ ഒഴിവാക്കി അതീവ രഹസ്യമായി നടത്തിയ അന്വേഷണ റിപ്പോര്ട്ട് റദ്ദാക്കി ഐജി റാങ്കില് കുറയാത്ത പൊലീസ് ഉദ്യോഗസ്ഥനോട് കേസ് അന്വേഷിക്കാന് കോടതി നിര്ദ്ദേശിക്കണമെന്നാണ് അതിജീവിതയുടെ ആവശ്യം. മൂന്ന് കോടതിയിലും മെമ്മറി കാര്ഡ് അനധികൃതമായി പരിശോധിച്ചു എന്നാണ് കണ്ടെത്തല്. അങ്കമാലി മജിസ്ട്രേറ്റ് ലീന റഷീദ്, ജില്ലാ സെഷന്സ് കോടതി ക്ലര്ക്ക് മഹേഷ്, വിചാരണ കോടതിയിലെ ശിരസ്തദാര് താജുദ്ദീന് എന്നിവരാണ് മെമ്മറി കാര്ഡ് അനധികൃതമായി പരിശോധിച്ചതെന്നാണ് കണ്ടെത്തല്.
