കോട്ടയം: ‘ഈ കപ്പല് ആടി ഉലയുകയില്ല സര്.. ഇതിനൊരു കപ്പിത്താന് ഉണ്ട്..’ എന്ന് മുന് മാധ്യമപ്രവര്ത്തകയും ഇപ്പോഴത്തെ ആരോഗ്യ മന്ത്രിയുമായ വീണ ജോര്ജിന്റെ വിഖ്യാതമായ നിയമസഭാ പ്രസംഗം ഓര്മ്മയില്ലേ? പിണറായിയെ ക്യാപ്റ്റനായി വിശേഷിപ്പിക്കാന് തുടങ്ങിയത് മുഖ്യമായും കഴിഞ്ഞ നിയമസഭാ തെരഞ്ഞെടുപ്പുകാലത്താണ്. പാര്ട്ടി പത്രം പോലും പിണറായിയെ പുകഴ്ത്താന്
ആ വിശേഷണം ഉപയോഗിച്ചു. എന്നാല് അന്നത്തെ പാര്ട്ടിസെക്രട്ടറി കോടിയേരി ബാലകൃഷ്ണന് മാധ്യമ പ്രവര്ത്തകരുടെ ചോദ്യത്തിന് വ്യക്തി പൂജ പാര്ട്ടി നയമല്ലെന്ന നിലപാട് ആവര്ത്തിക്കുകയായിരുന്നു. പാര്ട്ടി കേന്ദ്ര നേതൃത്വവും വ്യക്തിപൂജയ്ക്കെതിരായ നിലപാടാണ് എടുത്തത.് എങ്കിലും കേരളത്തില് പിണറായിയുടെ സ്തുതിപാഠകര് ഇരട്ടചങ്കന്, കാരണഭൂതല് തുടങ്ങിയവക്കൊപ്പം ഈ വിശേഷണവും തുടര്ന്നുപോന്നു. ഇപ്പോഴിതാ ആറ്റിങ്ങലിലെ സിപിഎം സ്ഥാനാര്ത്ഥി വി.ജോയിയാണ് ക്യാപ്റ്റന് പ്രയോഗവുമായി വീണ്ടും വന്നിരിക്കുന്നത്. ‘ക്യാപ്റ്റന് വരുന്നു’ എന്നാണ് ജോയി പിണറായിയുടെ സന്ദര്ശനത്തെ കുറിച്ച് സമൂഹമാധ്യമങ്ങളില് പോസ്റ്റ് ചെയ്തിരിക്കുന്നത്.
