ആലപ്പുഴ: ഉത്സവശേഷം വാഹനത്തില്‍ കൊണ്ടുപോകുകയായിരുന്ന കെട്ടുകാഴ്ചയ്ക്കുള്ള സാധനങ്ങള്‍ക്കും വാഹനത്തിനും തീപിടിച്ചു.ചുനക്കര പഞ്ചായത്ത് കരിമുളയ്‌ക്കല്‍ വാര്‍ഡ് എട്ടില്‍ ഉത്സവ ശേഷം കൊണ്ടുപോവുകയായിരുന്ന സാധനങ്ങള്‍ക്കാണ് തീ പിടിച്ചത്.
കായംകുളം അഗ്‌നി രക്ഷാസേനയുടെ രണ്ട് യൂണിറ്റ് എത്തി തീ കെടുത്തി. കെട്ടുകാഴ്ചക്കായി കൊണ്ടുപോവുകയായിരുന്ന ഉരുപ്പടികള്‍ വൈദ്യുതി കമ്പിയില്‍ തട്ടി തീ പിടിക്കുകയായിരുന്നു.
തീയണയ്‌ക്കാന്‍ ശ്രമിച്ചെങ്കിലും പരാജയപ്പെട്ടുവെന്ന് വാഹനത്തില്‍ ഉണ്ടായിരുന്നവര്‍ പറഞ്ഞു. വെള്ളം ഒഴിച്ചിട്ടും തീ ആളിക്കത്തുകയായിരുന്നു. ആനയ്‌ക്കുള്ള നെറ്റിപ്പട്ടവും മറ്റ് ചില സാധനങ്ങളും വാഹനത്തില്‍ നിന്നും മാറ്റാനായി.
പ്രതികരിക്കാൻ ഇവിടെ എഴുതുക: