തിരുവനന്തപുരം: സംസ്ഥാനത്ത് 12 ജില്ലകളില് ഉയര്ന്ന താപനിലയുടെ ഭാഗമായുള്ള മുന്നറിയിപ്പ്. പാലക്കാട് ജില്ലയില് 41 ഡിഗ്രി സെല്ഷ്യസ് വരെയും കൊല്ലത്ത് 40 ഡിഗ്രിവരെയും താപനില എത്തിനില്ക്കുകയാണ് നിലവില്.
തൃശ്ശൂര് ജില്ലയില് 39 ഡിഗ്രി വരെയും കണ്ണൂര്, കോഴിക്കോട പത്തനംതിട്ട, കോട്ടയം ജില്ലകളില് 38 ഡിഗ്രി വരെയും കാസര്കോട്, എറണാകുളം, ആലപ്പുഴ ജില്ലകളില് 37 ഡിഗ്രി വരെയും തിരുവനന്തപുരം, മലപ്പുറം ജില്ലകളില് 36 ഡിഗ്രി വരെയും താപനില ഉയരുമെന്നാണ് മുന്നറിയിപ്പ്.
ഇടനാട് മേഖലകളില് താപനില 40ന് മുകളിലാണ്. താപസൂചിക ഉയര്ന്നുനില്ക്കുന്നതിനാല് അനുഭവപ്പെടുന്ന ചൂട് 50 ഡിഗ്രിക്ക് മുകളിലാണ്. 12, 13 തിയതികളില് സംസ്ഥാനത്ത് വിവിധയിടങ്ങളില് വേനല് മഴയ്ക്ക് സാധ്യതയുണ്ട്.
