അയോധ്യ : പ്രാണപ്രതിഷ്ഠയ്‌ക്ക് ശേഷമുള്ള ആദ്യ രാമനവമിക്ക് തയാറെടുക്കുകയാണ് അയോദ്ധ്യ. ശ്രീരാമക്ഷേത്രത്തില്‍ രാമനവമിയോടനുബന്ധിച്ച് നിരവധി ചടങ്ങുകളാണ് സംഘടിപ്പിക്കുന്നത്.
വൈഷ്ണവ അടയാളങ്ങളുളള പ്രത്യേക വസ്ത്രങ്ങള്‍ രാംലല്ലയെ ധരിപ്പിക്കുമെന്ന് ക്ഷേത്ര ട്രസ്റ്റ് എക്‌സില്‍ കുറിച്ചു. മയിലിന്റ രൂപവും വൈഷ്ണവ അടയാളങ്ങളും തുന്നിച്ചേര്‍ത്ത വസ്ത്രമാണ് രാംലല്ലയെ ധരിപ്പിക്കുന്നതെന്നാണ് ക്ഷേത്ര ട്രസ്റ്റ് അറിയിച്ചത്.
നവരാത്രിയുടെ തലേന്ന് വിഗ്രഹത്തില്‍ പ്രത്യേക വസ്ത്രം ധരിപ്പിക്കുമെന്ന് ശ്രീരാമജന്മഭൂമി തീര്‍ത്ഥ ക്ഷേത്ര ട്രസ്റ്റ് അറിയിച്ചു.ചൈത്ര നവരാത്രിയുടെ ആദ്യ ദിവസമായ ഏപ്രില്‍ 9 മുതല്‍ രാമനവമിയായ ഏപ്രില്‍ 17 വരെയാണ് രാംലല്ല ഈ വസ്ത്രം ധരിക്കുക.
ഖാദി കോട്ടണ്‍ തുണിയിലാണ് ചിത്രങ്ങള്‍ തുന്നിച്ചേര്‍ക്കുന്നത്.ചൈത്ര നവരാത്രിയുടെ ഭാഗമായി ഒമ്പത് ദിവസം നീളുന്ന ആഘോഷമാണ് നടക്കുന്നത്. ഉത്സവത്തിന്റെ ഒമ്പതാം ദിവസമാണ് രാമനവമി.
പ്രതികരിക്കാൻ ഇവിടെ എഴുതുക: