ആറ്റിങ്ങല്‍: വാമനപുരത്തിന്റെ ഹൃദയത്തിലിടം പിടിച്ച് വിജയത്തിലേക്ക് കുതിക്കുകയാണ് ആറ്റിങ്ങല്‍ മണ്ഡലത്തിലെ എന്‍ഡിഎ സ്ഥാനാര്‍ത്ഥി വി.മുരളീധരന്. വാമനപുരം, പോത്തന്‍കോട് മേഖലകളിലെ കര്‍ഷകരും തൊഴിലാളികളും അമ്മമാരും കുട്ടികളുമെല്ലാം പര്യടന കേന്ദ്രത്തില്‍ ആവേശോജ്വല സ്വീകരണമൊരുക്കുകയാണ്.
ഇന്നലെ വാമനപുരം, പോത്തന്‍കോട് മണ്ഡലങ്ങളിലായിരുന്നു വി. മുരളീധരന്റെ പര്യടനം. കല്ലറ വെള്ളംകുടിയില്‍ തുടങ്ങി മൂന്നാനകുഴിയിലാണ് വാമനപുരം മണ്ഡലത്തിലെ പര്യടനം അവസാനിച്ചത്. പോത്തന്‍കോട് മണ്ഡലത്തിലെ പര്യടനം പതിനാറാം കല്ലില്‍ തുടങ്ങി പാലോട്ടുകോണം കോളനിയിലും അവസാനിച്ചു. അതിഗംഭീരമായ സ്വീകരണങ്ങളാണ് ഓരോ സ്ഥലത്തും വി. മുരളീധരന് ലഭിച്ചത്. വാമനപുരം മണ്ഡലത്തിലെ ഇരുളൂരിലെ കാക്കക്കുന്ന്, മുതുവിള, കൂനന്‍വേങ്ങ, മുത്തിപ്പാറ, ചുള്ളാളം, പനവൂര്‍, ആട്ടുകാല്‍ കരിക്കുഴി, ചുമടുതാങ്ങി തുടങ്ങിയ സ്ഥലങ്ങളിലും പോത്തന്‍കോട് മണ്ഡലത്തിലെ കണക്കോട്, കുറ്റിയാണി, നന്നാട്ടുകാവ്, വേറ്റിനാട്, തേക്കട, ആലിയാട്, പുലന്തറ തുടങ്ങിയ സ്ഥലങ്ങളിലെല്ലാം വന്‍ ജനാവലിയാണ് സ്വീകരണത്തിനായി കാത്തുനിന്നത്.
മുത്തിപ്പാറയിലെ പുരുഷോത്തമന്‍ പിള്ള കതിര്‍കുല സമ്മാനിച്ചാണ് വി. മുരളീധരനെ സ്വീകരിച്ചത്. കാക്കക്കുന്നില്‍ സിപിഎം വാമനപുരം ലോക്കല്‍ സെക്രട്ടറി മോഹനന്റെ സഹോദരനും സിപിഎം പ്രവര്‍ത്തകനുമായ ജയകുമാര്‍ ബിജെപിയിലേക്ക് എത്തി. ഷാള്‍ അണിയിച്ച് വി. മുരളീധരന് പാര്‍ട്ടിയിലേക്ക് സ്വീകരിച്ചു. മണ്ണയത്ത് സിപിഎമ്മില്‍ നിന്നും രണ്ടു പേര്‍ ബിജെപിയില്‍ എത്തി. പുല്ലമ്പാറ എല്‍സി മെമ്പര്‍ ജയന്‍, സിപിഎമ്മിന്റെ മുതിര്‍ന്ന പ്രവര്‍ത്തകന്‍ രാജന്‍ എന്നിവരാണ് ബിജെപിയില്‍ എത്തിയത്. മൂന്നാനക്കുഴിയില്‍ കോണ്‍ഗ്രസില്‍ നിന്നും രാജിവച്ച് ശ്രീധരപിള്ള ബിജെപിയില്‍ ചേര്‍ന്നു.
വിശ്വപുരത്ത് തെരഞ്ഞെടുപ്പ് കമ്മറ്റി ഓഫീസും വി. മുരളീധരന് ഉദ്ഘാടനം ചെയ്തു. ഓരോ സ്ഥലങ്ങളിലും സ്ത്രീകളുടെ വന്‍ നിരയാണ് വി. മുരളീധരനെ സ്വീകരിക്കാന്‍ കാത്തു നിന്നിരുന്നത്. വി. മുരളീധരനെ വിജയിപ്പിക്കുമെന്ന ദൃഢനിശ്ചയത്തിലാണ് ഓരോ പ്രദേശത്തെയും നാട്ടുകാര്‍.
പ്രതികരിക്കാൻ ഇവിടെ എഴുതുക: