ഇടുക്കി: ഭക്ഷണത്തിൽ നിന്ന് അലർജി ഉണ്ടായതിനെ തുടർന്ന് ആശുപത്രിയിൽ പ്രവേശിപ്പിച്ച യുവതി മരിച്ചു. പാലക്കാട് മേലൂർ സ്വദേശിനി നികിതയാണ് മരിച്ചത്. 20 വയാസിയിരുന്നു.
ഈ കഴിഞ്ഞ ആറിനായിരുന്നു സംഭവം. ചെമ്മീൻ കറി കഴിച്ചതിന് പിന്നാലെ നികിതയുടെ ശരീരമാസകലം ചൊറിഞ്ഞു തടിക്കുകയായിരുന്നു. ഇതേ തുടർന്ന് തൊടുപുഴയിലെ സ്വകാര്യ ആശുപത്രിയിൽ യുവതിയെ പ്രവേശിപ്പിച്ചു. പിന്നാലെ ശ്വാസതടസം അനുഭവപ്പെട്ടതോടെ വെന്റിലേറ്ററിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
സ്വകാര്യ കണ്ണട വിൽപ്പന കമ്പനിയുടെ തൊടുപുഴയിലെ ഔട്ട്‌ലെറ്റിലെ ജീവനക്കാരിയായിരുന്നു നികിത.പോസ്റ്റുമോർട്ടം റിപ്പോർട്ട് ലഭിച്ചാൽ മാത്രമെ മരണകാരണം വ്യക്തമാകുകയുള്ളുവെന്ന് ഡോക്ടർമാർ അറിയിച്ചു. അലർജി വഷളായതോടെ യുവതിക്ക് ന്യൂമോണിയ പിടിപെട്ടിരുന്നു. മുമ്പും ചെമ്മീൻ കഴിച്ചതോടെ യുവതിക്ക് അലർജി ഉണ്ടായിട്ടുണ്ടെന്നാണ് വിവരം.
കഴുത്തിന് നീരുവച്ച് ശ്വാസതടസ്സം ഉണ്ടായി രക്തസമ്മർദ്ദം താഴ്ന്നു. ഇതോടെയാണ് ആശുപത്രിയിൽ പ്രവേശിപ്പിച്ചത്. പിന്നാലെ നികിതയ്‌ക്ക് ഹൃദയാഘാതം ഉണ്ടായതായി ഡോക്ടർമാർ പറയുന്നു.
പ്രതികരിക്കാൻ ഇവിടെ എഴുതുക