ഗുവാഹത്തി: കേരള ബ്ലാസ്റ്റേഴ്സ് എഫ്‌സിക്ക് വീണ്ടും തോല്‍വി. എവേ മത്സരത്തില്‍ നോര്‍ത്ത് ഈസ്റ്റ് യുണൈറ്റഡിനോടാണ് ബ്ലാസ്റ്റേഴ്സ് പാരജയപ്പെട്ടത്. എതിരില്ലാത്ത രണ്ട് ഗോളിനായിരുന്നു ടീമിന്റെ തോല്‍വി.
മത്സരത്തിന്റെ അവസാന പത്ത് മിനിറ്റ് മുമ്പ് വരെ ഗോള്‍ രഹിതമായാണ് കളി നീണ്ടത്. 84-ാം മിനിറ്റില്‍ നെസ്റ്റര്‍ അല്‍ബിയാക് നേടിയ ഗോളില്‍ യുണൈറ്റഡ് ലീഡ് ചെയ്തു. കളി ഇന്‍ജുറി ടൈമിലേക്ക് കടന്നതോടെ നോര്‍ത്ത് ഈസ്റ്റ് അടുത്ത ഗോളും കണ്ടെത്തി ലീഡ് ഇരട്ടിപ്പിച്ചു. ഡയമന്റക്കോസ് അടക്കമുള്ള മുന്‍നിര താരങ്ങള്‍ക്ക് വിശ്രമം നല്‍കിയാണ് ബ്ലാസ്റ്റേഴ്സ് പരിശീലകന്‍ ഇവാന്‍ വുക്കോമനോവിച്ച് ടീമിനെ ഇറക്കിയത്. ജയത്തോടെ നോര്‍ത്ത് ഈസ്റ്റ് 23 പോയിന്റുമായി ഏഴാം സ്ഥാനത്തേക്കെത്തി.
ലീഗില്‍ ഇന്നലെ നടന്ന ആദ്യ പോരാട്ടത്തില്‍ മോഹന്‍ ബഗാന്‍ സൂപ്പര്‍ ജയന്റ്‌സ് വിജയിച്ചു. പഞ്ചാബ് എഫ്‌സിയെ ഏകപക്ഷീയമായ ഒരു ഗോളിനാണ് ബംഗാള്‍ വമ്പന്‍മാര്‍ കീഴടക്കിയത്. കളിയുടെ 42-ാം മിനിറ്റില്‍ ദിമിത്രി പെട്രാറ്റോസ് ആണ് മോഹന്‍ ബഗാന്റെ വിജയഗോള്‍ നേടിയത്.
പ്രതികരിക്കാൻ ഇവിടെ എഴുതുക: