വീട്ടുവളപ്പില്‍ ജോലി ചെയ്യവെ മലപ്പുറത്ത് യുവാവിന് സൂര്യാഘാതമേറ്റു

മലപ്പുറം: വീട്ടുവളപ്പില്‍ ജോലി ചെയ്യവെ യുവാവിന് സൂര്യാഘാതമേറ്റു. തിരൂരങ്ങാടി ചെറുമുക്കില്‍ ആണ് സംഭവം.

ചെറുമുക്ക് ജീലാനി നഗര്‍ സ്വദേശി മുനീറിനാണ് സൂര്യാഘാതമേറ്റത്. വീട്ടുവളപ്പില്‍ ജോലി ചെയ്യുന്നതിനിടെ തളര്‍ച്ച നേരിട്ടു.

സൂര്യാഘാതമാണെന്ന് പിന്നീടാണ് വ്യക്തമായത്. കഴുത്തില്‍ രണ്ടിടത്ത് പൊള്ളലേറ്റു.

നേരത്തെ പാലക്കാട് തെരഞ്ഞെടുപ്പ് പ്രചാരണത്തിനിടെ ശ്രീകൃഷ്ണപുരത്ത് കോണ്‍ഗ്രസ് പ്രവര്‍ത്തകന്‍ വലമ്പിലിമംഗലം ഇളവുങ്കല്‍ വീട്ടില്‍ തോമസ് അബ്രഹാമിന് സൂര്യാഘാതമേറ്റിരുന്നു.