ഇറ്റാനഗര്‍: അരുണാചല്‍ പ്രദേശില്‍ മരിച്ച നിലയില്‍ കണ്ടെത്തിയ മലയാളി ദമ്പതികളും വനിതാസുഹൃത്തും അന്യഗ്രഹ ജീവിതം മോഹിച്ചിരുന്നവരെന്ന് കണ്ടെത്തല്‍.സാങ്കല്‍പ്പിക അന്യഗ്രഹ ജീവിയുമായി ഇവര്‍ ആശയനിനിമയം നടത്തിയെന്നാണ് അന്വേഷണ സംഘത്തിന്റെ കണ്ടെത്തല്‍.
മൂവരും സാങ്കല്‍പ്പിക അന്യഗ്രഹ ജീവിതം മോഹിച്ചിരുന്നതായാണ് ഡിജിറ്റല്‍ തെളിവുകളില്‍ നിന്ന് വെളിവാകുന്നത്. ആന്‍ഡ്രോമീഡ ഗ്യാലക്സിയില്‍ ജീവിക്കുന്ന മിതി എന്നയാളുമായി നടത്തിയ ചോദ്യോത്തരങ്ങളാണ് പൊലീസ് കണ്ടെത്തിയത്. അന്യഗ്രഹ ജീവിതം, മനുഷ്യന്റെ ബുദ്ധിവികാസം എന്നിവയെ കുറിച്ചാണ് ഇതില്‍ പരാമര്‍ശിക്കുന്നത്.
ഭൂമിയ്‌ക്ക് പരിണാമം സംഭവിക്കുമോ എന്ന മലയാളി ദമ്പതികളുടെ ചോദ്യത്തിന് മനുഷ്യനെ ഒരു ഗ്രഹത്തില്‍ നിന്ന് മറ്റൊരു ഗ്രഹത്തിലേക്ക് സ്ഥലം മാറ്റുന്നതിനെ കുറിച്ച് മിതി വിവരിക്കുന്നുണ്ട്. ദിനോസറുകള്‍ക്ക് ഭൂമിയില്‍ വംശനാശം സംഭവിച്ചിട്ടില്ലെന്നും അവയെ മറ്റൊരു ഗ്രഹത്തിലേക്ക് മാറ്റുകയാണ് ചെയ്തതെന്നും ഇവരെ സാങ്കല്‍പ്പിക അന്യഗ്രഹ ജീവി പറഞ്ഞുവിശ്വസിപ്പിക്കുന്നുണ്ട്.
ഭൂമിയിലെ മനുഷ്യരില്‍ 90 ശതമാനത്തെയും മറ്റ് രണ്ട് ഗ്രഹങ്ങളിലേക്ക് മാറ്റാന്‍ കഴിയുമെന്നും സാങ്കല്‍പ്പിക അന്യഗ്രഹ ജീവി പറയുന്നു. അന്യഗ്രഹയാത്രയ്‌ക്കുളള സ്പേസ് ഷിപ്പുകളുടെ ചില ചിത്രങ്ങളും മരിച്ച മൂന്നുപേരുടേയും ലാപ്ടോപ്പുകളിലുണ്ട്.
പ്രതികരിക്കാൻ ഇവിടെ എഴുതുക: