കൊച്ചി: കേരള ബ്ലാസ്റ്റേഴ്സ് എഫ്‌സി ഹോം ഗ്രൗണ്ടില്‍ വീണ്ടും തോറ്റു. തോല്‍വിക്കൊപ്പം ഇരട്ട പ്രഹരമായി രണ്ട് ചുവപ്പുകാര്‍ഡും. കലൂര്‍ ജവഹര്‍ലാല്‍ നെഹ്രു സ്റ്റേഡിയത്തില്‍ നടന്ന കളിയില്‍ രണ്ടിനെതിരെ നാല് ഗോളുകള്‍ക്കാണ് ബ്ലാസ്റ്റേഴ്സ് പരാജയപ്പെട്ടത്.
കളിയില്‍ ആദ്യം സ്‌കോര്‍ ചെയ്‌ത്ത് ബ്ലാസ്റ്റേഴ്സ് ആണ്. 23-ാം മിനിറ്റില്‍ ഫെഡോര്‍ കെര്‍ണിച് ആണ് ഗോളടിച്ചത്. പ്രതിരോധത്തിലെ പിഴവിനെ തുടര്‍ന്ന് ആദ്യ പകുതിയുടെ ഇന്‍ജുറി ടൈമില്‍ ബ്ലാസ്റ്റേഴ്സ് പെനല്‍റ്റി വഴങ്ങി. കിക്കെടുത്ത ഈസ്റ്റ് ബംഗാളിന്റെ സൗള്‍ ക്രെസ്‌പോ ഗോളടിച്ച് ടീമിനെ ഒപ്പമെത്തിച്ചു. സമനില ഗോളിന് തൊട്ടുമുമ്പ് ബ്ലാസ്റ്റേഴ്സ് പത്ത് പേരായി ചുരുങ്ങിയിരുന്നു. മദ്ധ്യനിരയിലെ ജീക്‌സണ്‍ സിങ്ങ് ആണ് രണ്ടാം മഞ്ഞകാര്‍ഡ് കണ്ട് പുറത്തായത്.
മത്സരം രണ്ടാം പകുതിയില്‍ പുരോഗമിക്കുമ്പോള്‍ ബ്ലാസ്റ്റേഴ്സ് രണ്ടാം ഗോളും വഴങ്ങി. തൊട്ടുപിന്നാലെ പ്രതിരോധ താരം നാവോച്ച സിങ്ങിനെയും നഷ്ടപ്പെട്ടു. ചുവപ്പ് കാര്‍ഡ് കണ്ട് താരം പുറത്തേക്ക് നടന്നതോടെ ബ്ലാസ്റ്റേഴ്സ് താരങ്ങളുടെ എണ്ണം ഒമ്പതായി കുറഞ്ഞു. പിന്നീട് ബ്ലാസ്റ്റേഴ്സ് ഒരുഗോള്‍ മടക്കിയെങ്കിലും രണ്ട് ഗോള്‍ കൂടി തിരിച്ചുകിട്ടി. 82, 87 മിനിറ്റുകളില്‍ നോറെം സിങ് ആണ് സ്‌കോര്‍ ചെയ്തത്.
പ്രതികരിക്കാൻ ഇവിടെ എഴുതുക: