ഒറ്റ തവണ ഉപയോഗിച്ച വസ്ത്രങ്ങൾ വിൽക്കാൻ ഒരുങ്ങുകയാണെന്ന്, നടി നവ്യ നായർ ഇൻസ്റ്റഗ്രാമിൽ പങ്കുവച്ച പോസ്റ്റിൽ വിമർശനങ്ങൾ നിറഞ്ഞിരുന്നു. ‘എത്ര പണം സമ്പാദിച്ചിട്ടും വീണ്ടും പണം സമ്പാദിക്കനുള്ള ആർത്തിയാണ്’ എന്ന തരത്തിലായിരുന്നു കമന്റുകൾ. എന്നാൽ ബോളിവുഡ് ഉൾപ്പെടെയുള്ള മറ്റുപല സിനിമ മേഖലകളിലും നടിമാർ ഇത് സ്ഥിരമായ ചെയ്യാറുള്ളതിനാൽ നിരവധിപേർ നവ്യയെ പിന്തുണച്ചും കമന്റിട്ടിരുന്നു.
ഇപ്പോഴിതാ വിമർശിച്ചവരുടെ വായടപ്പിച്ച് രംഗത്തെത്തിയിരിക്കുകയാണ് നവ്യ നായർ. കമന്റ് ബോക്സിൽ അല്ല, നേരിട്ട് തന്റെ പ്രവർത്തിയിലൂടെയാണ് നവ്യ വിമർശകർക്ക് മറുപടി നൽകിയത്. സാരി വാങ്ങിയവരിൽ നിന്ന് ലഭിച്ച പണം പാവപ്പെട്ടവർക്ക് സഹായം ചെയ്യാനാണ് താരം ചിലവഴിച്ചത്.
പത്തനാപുരം ഗാന്ധിഭവനിലെ അന്തേവാസികൾക്ക് പുതിയ വസ്ത്രങ്ങൾ വാങ്ങാനാണ് നവ്യ ഈ തുക ചിലവഴിച്ചത്. കൈനിറയെ സമ്മാനങ്ങളുമായി കുടുംബത്തോടൊപ്പമെത്തിയാണ് നവ്യ ഗാന്ധിഭവനിൽ എത്തിയത്. വസ്ത്രങ്ങൾക്കൊപ്പം ഒരുലക്ഷം രൂപയും നവ്യ ഗാന്ധിഭവൻ സ്പെഷ്യൽ സ്കൂളിന് നൽകി.
പല സാഹചര്യങ്ങൾ കാണ്ടായിരിക്കാം ഈ അച്ഛനമ്മമാർ ഇവിടെ എത്തിപ്പെട്ടിട്ടുണ്ടായിരിക്കുക. പൂർണമായിട്ട് ആരെയും കുറ്റം പറയാൻ സാധിക്കില്ല. എല്ലാ തെറ്റിനും ശരിക്കും അപ്പുറം നമുക്ക് മനസിലാക്കാൻ കഴിയാത്ത എന്തൊക്കൊയോ ഉണ്ട്. അതുകൊണ്ട് തന്നെ ആരെയും കുറ്റപ്പെടുത്തിയില്ലെങ്കിലും അഭിനന്ദിക്കാനും സ്നേഹിക്കാനും നമുക്ക് പറ്റുമല്ലോ. സാരിയുടെ കാര്യം പറഞ്ഞപ്പോൾ ആദ്യം ചിന്തിച്ചത് ജനങ്ങളുടെ അഭിപ്രായമാണ്. ഇവിടെ കൊണ്ടുവന്ന എല്ലാം എനിക്ക് എന്നോടുള്ള ഇഷ്ടം കൊണ്ട് ജനങ്ങൾ സമ്മാനിച്ചതാണ്. ഇനിയും അതിൽ നിന്ന് എന്ത് കിട്ടിയാലും ഞാൻ ഇവിടെ കൊണ്ടുവരും,” നവ്യ നായർ പറഞ്ഞു.
