പിറന്നാൾ ദിനത്തിൽ കേക്ക് കഴിച്ച പത്ത് വയസ്സുകാരി മരിച്ചു ; കടയുടമയ്‌ക്കെതിരെ കേസ്

പട്യാല: പിറന്നാൾ ദിനത്തിൽ കേക്ക് കഴിച്ച 10 വയസ്സുകാരി ഭക്ഷ്യവിഷബാധയേറ്റ് മരിച്ചു. പഞ്ചാബിലെ പട്യാലയിലാണ് ദാരുണ സംഭവം.

മാർച്ച് 24 ന് ജന്മദിനം ആഘോഷിക്കാൻ ഓൺലൈനിൽ കേക്ക് ഓർഡർ ചെയ്തതായി പെൺകുട്ടിയുടെ അമ്മ നൽകിയ പരാതിയിൽ പറയുന്നു. തുടർന്ന് കേക്ക് കഴിച്ചയുടൻ പെൺകുട്ടിയടക്കം വീട്ടുകാരെല്ലാം ഛർദ്ദിക്കാൻ തുടങ്ങി. ആരോഗ്യ സ്ഥിതി വഷളായതിനെ തുടർന്ന് ആശുപത്രിയിൽ ഉടൻ പ്രവേശിപ്പിച്ചെങ്കിലും പിറ്റേന്ന് രാവിലെ പെൺകുട്ടി മരിച്ചു.

മറ്റ് കുടുംബാംഗങ്ങളുടെ നില മെച്ചപ്പെട്ടതായി ഡോക്ടർമാർ അറിയിച്ചു. അതേ സമയം സംഭവത്തെ തുടർന്ന് കേക്ക് കട ഉടമയ്‌ക്കെതിരെ കേസെടുത്തതായി പട്യാല പോലീസ് അറിയിച്ചു.