ഒഡീഷയിൽ ആറ് കോടിയിലധികം വിലമതിക്കുന്ന സ്വർണം പിടികൂടി

കട്ടക്ക്: ഒഡീഷയിലെ കട്ടക്ക് ജില്ലയിൽ നിന്ന് ആറ് കോടിയിലധികം വിലമതിക്കുന്ന സ്വർണം പിടികൂടി. ഇതുമായി ബന്ധപ്പെട്ട് രണ്ട് പേരെ ശനിയാഴ്ച അറസ്റ്റ് ചെയ്തു.

രഹസ്യവിവരത്തെത്തുടർന്ന് ഡയറക്ടറേറ്റ് ഓഫ് റവന്യൂ ഇൻ്റലിജൻസ് (ഡിആർഐ) സംഘം വ്യാഴാഴ്ച മാംഗുലി ടോൾ പ്ലാസയിൽ ഒരു വാഹനം തടഞ്ഞുനിർത്തി 9.18 കിലോഗ്രാം സ്വർണ ബിസ്‌ക്കറ്റുകൾ പിടിച്ചെടുത്തു.

1962ലെ കസ്റ്റംസ് ആക്ട് പ്രകാരമാണ് കാറിൽ സഞ്ചരിച്ച രണ്ടുപേരെ അറസ്റ്റ് ചെയ്തത്.