വടകര : മണിപ്പൂരില് ഈസ്റ്റര് ദിനത്തില് അവധി ഇല്ലെന്ന ഇടതു-വലതു മുന്നണികളുടെ വ്യാജപ്രചരണം പൊളിഞ്ഞുവെന്ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന്. ഈസ്റ്ററിന് മാത്രമല്ല ദുഖവെള്ളിക്കും മണിപ്പൂര് സര്ക്കാര് അവധിപ്രഖ്യാപിച്ചിരിക്കുകയാണ്
പന്തം കൊളുത്തി പ്രകടനങ്ങള് നടത്താന് വീട്ടില് നിന്നിറങ്ങിയ ഇടതനും വലതനും തിരിച്ച് വീട്ടില് പോകണമെന്നും സുരേന്ദ്രന് ഫേസ്ബുക്കില് കുറിച്ചു.ഹമാസിന് ഐക്യദാര്ഢ്യം പ്രഖ്യാപിച്ച് റാലി നടത്തി, എന്നാല് മോസ്കോയിലെ ഐഎസ് ഭീകരാക്രമണത്തില് കൊല്ലപ്പെട്ടവരെ കുറിച്ച് മിണ്ടില്ല. ഇത്തരക്കാരാണ് ഐ എന് ഡി ഐ എ സഖ്യമെന്നും സുരേന്ദ്രന് പറഞ്ഞു.
ഇസ്രയേലില് ഹമാസ് ആക്രമണത്തില് കൊല്ലം സ്വദേശി കൊല്ലപ്പെട്ടിട്ടും ഇടതു വലതു മുന്നണികള് പ്രതികരിച്ചില്ല. ഇപ്പോള് ക്രൈസ്തവരുടെ പേരില് മുതലക്കണ്ണീരൊഴുക്കാനുള്ള ശ്രമമാണ് പരാജയപ്പെട്ടതെന്നും കെ.സുരേന്ദ്രന് കുറിച്ചു.
