തിരുവനന്തപുരം:മാസപ്പടി ആരോപണത്തില് ഉപ്പ് തിന്നുന്നവര് വെള്ളം കുടിക്കുമെന്ന് കേന്ദ്രമന്ത്രി വി. മുരളീധരന്. നരേന്ദ്രമോദിയുടെ ഭരണത്തില് അഴിമതി കാട്ടിയവര് കണക്ക് പറയേണ്ടി വരുമെന്നും കേന്ദ്രമന്ത്രി പറഞ്ഞു.
മാസപ്പടിക്കേസില് എന്ഫോഴ്സ്മെന്റ് ഡയറക്ടറേറ്റ് കേസ് രജിസ്റ്റര് ചെയ്ത വാര്ത്തയില് പ്രതികരിക്കുകയായിരുന്നു കേന്ദ്രമന്ത്രി.
നരേന്ദ്രമോദി വേട്ടയാടുന്നു എന്ന സിപിഎം വാദം വിലപ്പോകില്ല. എം.വി. ഗോവിന്ദന് ആദ്യം, വീണ വിജയന് കരിമണല് കമ്പനിക്ക് നല്കിയ സേവനം എന്തെന്ന് പറയട്ടെ. സിപിഎം ബിജെപി ഒത്തുകളി എന്ന ആരോപണം ഉയര്ത്തിയവര് എവിടെപ്പോയി എന്നും വി. മുരളീധരന് ചോദിച്ചു.
വീണ വിജയന് എതിരെ കേസ് വന്നാല് പ്രതിപക്ഷ നേതാവിന് നോവും. മാധ്യമങ്ങള് വിഷയം പുറത്ത് കൊണ്ടുവന്നപ്പോള് നിയമസഭയില് പോലും ഉന്നയിക്കാതിരുന്നയാളാണ് വി. ഡി. സതീശന്.
തിരഞ്ഞെടുപ്പ് സമയത്ത് അന്വേഷണം വന്നാല് തെരഞ്ഞെടുപ്പ് സ്റ്റണ്ട് എന്നും അല്ലാത്തപ്പോള് വന്നാല് വേട്ടയാടലും എന്ന് ആരോപിക്കുന്നവര് ഏത് സമയത്ത് അന്വേഷണം വേണം എന്നാണ് പറയുന്നത് എന്നും വി. മുരളീധരന് ചോദിച്ചു.
