ഫ്ളോറിഡ: മയാമി ഓപ്പണ് വനിതാ സിംഗിള്സില് ഒന്നാം സീഡ് താരം ഇഗ സ്വിയാറ്റെക്ക് ക്വാര്ട്ടറില് കടക്കാതെ പുറത്തായി. എക്കാട്ടെറിന അലെക്സാന്ഡ്രോവയോട് നേരിട്ടുള്ള സെറ്റിനാണ് താരം പ്രീക്വാര്ട്ടറില് പുറത്തായത്. സ്കോര്: 6-4, 6-2
ഈ മാസം 17ന് ഇന്ത്യന് വെല്സ് കിരീടം നേടിയ താരമാണ് ദിവസങ്ങള്ക്കുള്ളില് നടക്കുന്ന മറ്റൊരു ടൂര്ണമെന്റില് നേരത്തെ തന്നെ പുറത്താകുന്നത്. മയാമി ഓപ്പണ് വനിതാ സിംഗിള്സിലെ മറ്റ് പ്രീക്വാര്ട്ടര് മത്സരങ്ങളില് ജെസീക്ക പെഗ്യൂള, വിക്ടോറിയ അസരെങ്ക, ഡാനിയേലി കോളിന്സ് എന്നിവരും മുന്നേറി. മൂന്നാം സീഡ് താരമായി ഇറങ്ങിയ അമേരിക്കന് താരം കോകോ ഗൗഫും പ്രീക്വാര്ട്ടറില് തോറ്റ് പുറത്തായി. കരോലിന് ഗാര്ഷ്യയാണ് താരത്തെ തോല്പ്പിച്ചത്.
പുരുഷ സിംഗിള്സില് ഒന്നാം സീഡ് താരം കാര്ലോസ് അല്ക്കാരസ്, ഹുബേര്ട്ട് ഹര്ക്കാക്സ്, ഗ്രിഗറി ദിമിത്രോവ് എന്നിവര് ജയത്തോടെ പ്രീക്വാര്ട്ടറില് പ്രവേശിച്ചു.
