കോട്ടയം : കോട്ടയം ലോക്സഭ നിയോജകമണ്ഡലത്തില് വിവിധ സ്ഥാനാര്ഥികളുടെ പ്രചാരണത്തിനായി പ്രധാനമന്ത്രി അടക്കമുള്ള പ്രമുഖര് എത്തിയേക്കും . എന്.ഡി.എ സ്ഥാനാര്ത്ഥി തുഷാര് വെള്ളാപ്പള്ളിയുടെ പ്രചാരണത്തിനായി അടുത്തഘട്ട കേരള സന്ദര്ശനത്തില് പ്രധാനമന്ത്രി നരേന്ദ്രമോദിയും എത്താനിടയുണ്ട്. ബി.ജെ.പി നേതാക്കളായ അമിത് ഷാ, നിര്മ്മല സീതാരാമന്, ജ്യോതിരാദിത്യ സിന്ധ്യ , സ്മൃതി ഇറാനി തുടങ്ങിയവരും എത്തുമെന്നാണ് അറിയുന്നത്.
കോണ്ഗ്രസ് സ്ഥാനാര്ത്ഥിക്ക് വേണ്ടി രാഹുല്ഗാന്ധിയും പ്രിയങ്ക ഗാന്ധിയും എത്തുന്നുണ്ട്. ഇടതുപക്ഷത്തിനു വേണ്ടി കേന്ദ്ര നേതാക്കള് ആരും എത്താനില്ലാത്തതിനാല് മുഖ്യമന്ത്രി പിണറായി വിജയനെ പങ്കെടുപ്പിക്കാനാണ് പാര്ട്ടി ശ്രമിക്കുന്നത്.
എന്.ഡി.എയുടെ സംസ്ഥാനത്തെ മുന്നണി കണ്വീനറും ബി.ഡി.ജെ.എസ് അധ്യക്ഷനുമാണ് തുഷാര് വെള്ളാപ്പള്ളി.സഖ്യകക്ഷിയുടെ ഏറ്റവും പ്രമുഖനായ നേതാവെന്ന നിലയില് ബി.ജെ.പിയിലെ കൂടുതല് പ്രമുഖരെ പ്രചാരണത്തിന് എത്തിക്കാനാണ് ശ്രമം. എസ്.എന്.ഡി.പി യോഗം വൈസ് പ്രസിഡന്റെന്ന നിലയിലും തുഷാറിന്റെ സ്ഥാനാര്ത്ഥിത്വത്തിന് പ്രാധാന്യമുണ്ട്.
