കോട്ടയം: ഭര്‍ത്താവിന് പിറന്നാള്‍ സമ്മാനം വാങ്ങാനുള്ള യാത്രക്കിടെ യുവതി ലോറിക്കടിയില്‍പെട്ട് മരിച്ചു. നീറിക്കാട് കല്ലമ്പള്ളി കൊല്ലകുഴിയില്‍ ബിനോയിയുടെ ഭാര്യ പ്രിയ (46) ആണ് മരിച്ചത്. സ്‌കൂട്ടര്‍ ഓടിച്ചിരുന്ന ബിനോയ്‌ക്ക് കാര്യമായ പരിക്കില്ല. കോട്ടയം നാഗമ്പടം റെയില്‍വേ മേല്‍പ്പാലത്തിലായിരുന്നു അപകടം. റോഡില്‍ മറ്റൊരു അപകടം മൂലമുണ്ടായ ഗതാഗതക്കുരുക്ക് മറികടന്ന് നീങ്ങുന്നതിനിടെയാണ് അപകടമുണ്ടായത്. തിരക്കിലൂടെ പോകുന്നതിനിടെ ബിനോയിക്ക് സ്‌കൂട്ടര്‍ പെട്ടെന്ന് ബ്രേക്ക് ചെയ്യേണ്ടി വരികയും പ്രിയ ലോറിക്കടിയിലേക്ക് മറിയുകയുമായിരുന്നു. പ്രിയയെ കോട്ടയം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ഫലമുണ്ടായില്ല. പത്താം ക്ലാസ് പരീക്ഷ തീര്‍ന്ന ദിവസമായിരുന്നതിനാല്‍ മകള്‍ ഗായത്രിയെ വീട്ടിലെത്തിച്ച ശേഷമാണ് ബിനോയിയും പ്രിയയും പിറന്നാള്‍ സമ്മാനം വാങ്ങാന്‍ കോട്ടയത്ത് എത്തിയത്. പാലത്തില്‍ കാറുകള്‍ കൂട്ടിയിടിച്ചുണ്ടായ അപകടത്തെ തുടര്‍ന്ന് സ്ഥലത്തുണ്ടായിരുന്ന പോലീസിന്‌റെ നേതൃത്വത്തില്‍ രക്ഷാപ്രവര്‍ത്തനം നടത്തി. അപകടം അറിയാതെ മുന്നോട്ടുനീങ്ങിയ കണ്ടെയ്‌നര്‍ ലോറി പോലീസ് ജീപ്പ് കുറുകെയിട്ടാണ് തടഞ്ഞുനിറുത്തിയത്
പ്രതികരിക്കാൻ ഇവിടെ എഴുതുക: