മനുഷ്യ ജീവന് അപകടകാരികള്‍ എന്ന് വിദഗ്ധ സമിതി നിര്‍ദ്ദേശിച്ച 23 ഇനം നായകളെ നിരോധിച്ചതിനെതിരെ ഡല്‍ഹി ഹൈക്കോടതിയില്‍ ഹര്‍ജി. നിരോധിച്ചതിന്‌റെ യുക്തി എന്തെന്ന് കോടതി ആരാഞ്ഞു. ഇക്കാര്യം വിശദീകരിക്കണമെന്ന് നിര്‍ദേശിച്ച് കേന്ദ്രസര്‍ക്കാരിന് നോട്ടീസ് അയച്ചു. കേരളത്തിലും വ്യാപകമായുള്ള റോട്ട് വൈലര്‍, അമേരിക്കന്‍ ബുള്‍ഡോഗ് തുടങ്ങി 23 ഇനം നായകളുടെ ഇറക്കുമതിയും വില്‍പ്പനയും നിരോധിക്കാന്‍ കേന്ദ്ര സര്‍ക്കാര്‍ നിര്‍ദ്ദേശിച്ച സാഹചര്യത്തിലാണ് ഹര്‍ജി. നിരോധനം നിലവില്‍ വന്നാലും കൈവശമുള്ളവയെ സുരക്ഷാ മാനദണങ്ങള്‍ പാലിച്ച് വളര്‍ത്താമെന്നും സര്‍ക്കാര്‍ വ്യക്്തമാക്കിയിരുന്നു. പിറ്റ് ബള്‍ ടെറിയ ന്‍ , ഡെ ഗോ അര്‍ജന്റീന, വിവിധ ഷെപ്പേഡ് ഡോഗ്‌സ്, വുള്‍ഫ് ഡോഗ് സ് , അകിറ്റ തുടങ്ങിയവയും ലിസ്റ്റിലുണ്ട്.
റോട്ട് വൈലര്‍ നായ കേരളത്തില്‍ പല നായ പ്രേമികളുടെയും കൈവശമുണ്ട്. ജര്‍മനിയിലെ റോട്ട് വൈലറാണ് സ്വദേശം. ശരിയാംവണ്ണം പരിചയപ്പെടുത്തിയില്ലെങ്കില്‍ ഇവ അപരിചിതരെ ആക്രമിക്കും. ഹാനികരമായ ഒരു മൃഗമായി ഇവ മാറുന്നു.വലിയ കരുത്തുള്ള ഇനമായതിനാല്‍ പരിപാലിക്കാന്‍ ബുദ്ധിമുട്ടാണ്. 2017 ല്‍ വയനാട്ടിലെ വൈത്തിരിയില്‍ ഒരു വൃദ്ധയെ കടിച്ചു കൊന്ന ചരിത്രമുണ്ട്.
പ്രതികരിക്കാൻ ഇവിടെ എഴുതുക: