ന്യൂദല്ഹി: ദല്ഹി മുഖ്യമന്ത്രി അരവിന്ദ് കെജ്രിവാളിന്റെ വീട്ടില് സെര്ച്ച് വാറണ്ടുമായി ഇ ഡി സംഘം. എട്ട് ഇ ഡി ഉദ്യോഗസ്ഥരടക്കമുള്ള സംഘമാണ് മുഖ്യമന്ത്രിയുടെ വീട്ടിലെത്തിയത്.
വീടിനു പുറത്ത് വന് പൊലീസ് സന്നാഹമുണ്ട്. സെര്ച്ച് വാറണ്ട് ഉണ്ടെന്നാണ് ഇ ഡി ഉദ്യോഗസ്ഥര് കെജരിവാളിന്റെ സ്റ്റാഫിനെ അറിയിച്ചത്.
അതിനിടെ മദ്യനയ കേസുമായി ബന്ധപ്പെട്ട് കെജരിവാളിന്റെ അറസ്റ്റ് ഒഴിവാക്കാനായി ആം ആദ്മി പാര്ട്ടി സുപ്രീം കോടതിയെ സമീപിച്ചു.മുഖ്യമന്ത്രിയുടെ അറസ്റ്റ് തടയാത്ത ഹൈക്കോടതി നടപടിക്കെതിരെയാണ് സുപ്രീം കോടതിയിലെത്തിയത്. അടിയന്തര വാദം കേള്ക്കണമെന്നാണ് ആവശ്യം.
ഹൈക്കോടതി അറസ്റ്റ് തടയാത്ത സാഹചര്യത്തില് ഉടന് തന്നെ കെജരിവാളിന്റെ വീട്ടില് എത്തിയ ഇ ഡി സംഘം അറസ്റ്റാണ് ലക്ഷ്യമിടുന്നതെന്നാണ് റിപ്പോര്ട്ട്.
